LEVITIKAS 7:13 - Lai (Hakha) Common Language Bible 2006

¹³ Lawmhnak ca i daihnak thawinak a pekchanhmi ah cun, thilnu telhmi changreu zong a rak put chih lai.

LEVITIKAS 7:13 Խաչաձեւ Հղումներ

AMOS 4:5

Thilnu cawhmi lawmhnak changreu kha rak pu hna u; Mah lungtho tein pekchanhmi thawhlawm cu pechan u, tiah zapi thanh hna u. Zeicahtiah nannih Israel mi nih nan tuah duhmi tham cu, thil a ningcangte i tuah ceo kha pei a si ko cu! Hihi Bawipa bia hrimhrim a si.

LEVITIKAS 23:17

Nan umnak hna khan hninh awkah, ephah cheu hra cheu hnih in sermi changreu hlum hnih nan rak put lai; changvut dip in sermi an si lai i thilnu he rawhmi an si lai, Bawipa ca i theitlai hmasa bik hna caah an si lai.

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.

MATTHAI 13:33

Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

LEVITIKAS 2:12

Theitlai hmasa bik thawinak caah cun Bawipa sinah nan rak put ko hna lai, sihmanhsehlaw rimthaw caah cun biakṭheng cungah nan khang hna lai lo.

LEVITIKAS 23:18

Cun changreu he cun dotla tuufa pasarih kum khat cio a timi le cawtum no pakhat le tuukawng pahnih nan pek lai; Bawipa caah khangh thawinak an si lai, an changvut thawinak le thlet thawinak hna he cun, Bawipa ca i rimthaw mei in thawinak a si lai.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.