LEVITIKAS 6:18 - Lai (Hakha) Common Language Bible 2006

¹⁸ Aaron tefale hna chungin pa paohpaoh nih an ei lai; Bawipa sinah mei in thawinak hna chungin nan tefa chan tiangin zungzal nan vo a si lai; cu thil a tawngmi hna paoh cu thleidan an si lai.”

LEVITIKAS 6:18 Խաչաձեւ Հղումներ

NAMBAR 18:10

Hmun thiang bik ah nan ei lai; pa paohpaoh nih an ei lai; na caah thil thiang a si.

LEVITIKAS 6:29

Tlangbawi hna lak i pa paoh nih cun an ei lai; mah hihi a thiang bik a si ve.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 1:16

Cathiang nih, “Keimah ka thian caah nannih zong nan thian ve awk a si,” a ti.

LEVITIKAS 6:27

A sa a tawngtu paoh cu thleidan a si lai; cun a thi kha puan cungah a tlak ahcun, a tlakmi puan cu hmun thiang pakhat ah na suk lai.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

EXODUS 29:37

Ni sarih chung kha biakṭheng caah cun sual ngaihthiamnak caah raithawinak na ser lengmang lai i biakṭheng cu na thianter lai. Cun biakṭheng cu a zarh ngaingaimi thil ah a cang lai i a tawngtu paoh kha thil zarh ah an cang ve lai.”

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.

LEVITIKAS 6:19

Bawipa nih Moses sinah hi bangin a ti,

LEVITIKAS 7:6

Tlangbawi hna lak i pa paoh nih cun mah cucu an ei lai; hmun thiang pakhat ah ei a si lai; mah cucu a thiang bik a si ve.

NAMBAR 18:8

Cun Bawipa nih Aaron cu, “Zoh-hmanh, keimah sin i pekchanhmi thil hna chungin khangh lomi paoh cu nangmah kan pek, Israel mi hna an thil thiang vialte cu; mah thil hna cu na vo ah nangmah kan pek i an hmuh camcin awkah na fapale kha ka pek hna.

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 4:24

Amah nih meheh lu cungah cun a kut a chuan lai i Bawipa hmai i khangh thawinak an thahnak hmun ah khan a thah lai; mah hihi sual thawinak a si.

LEVITIKAS 4:33

sual thawinak lu cungah cun a kut a chuan lai i sual thawinak caah khangh thawinak an thahnak hmun ah khan a thah lai.

LEVITIKAS 6:10

Cun tlangbawi nih a puan hmangṭhia cu aa hruk lai i a pum cungah a puan hmangṭhia tawhrolh cu aa hrolh lai i, biakṭheng cung i mei nih a kangh dihmi khangh thawinak vutcam cu a lak lai i biakṭheng kamah a chiah hna lai.