LEVITIKAS 6:11 - Lai (Hakha) Common Language Bible 2006

¹¹ Cun a puan kha aa phoih hna lai i puan dang aa aih lai i vutcam cu riahbuk leng hmunthiang ah a kalpi lai.

LEVITIKAS 6:11 Խաչաձեւ Հղումներ

EZEKIEL 44:19

Lenglei tual i mizapi sinah an va chuah tikah, ka rian an ṭuan lio i an i hrukmi thilpuan kha an i phoih lai i a thiangmi khaan chungah khan an chiahtak hna lai i thilpuan dang an i hruk lai; cu ti an tuah lo ahcun thiannak ṭhawnnak kha an thilpuan cun mi zapi sinah khan an kalpi sual hnga.

LEVITIKAS 4:12

cawtum cu a pumpi in riahbuk lengah hmun thiang pakhat vutcam thletnak hmun ah cun, a kalpi lai i thing cungah a khangh lai; vutcam thletnak hmun ah cun khangh a si lai.

LEVITIKAS 16:27

Cun sual thawinak ca i cawtum le sual thawinak ca i meheh, hmunthiang chung i remnak ser awk ca i an thi rak luhpimi hna kha, riahnak hmun lengah chuahpi an si lai; an phaw le an sa le an ek hna cu mei in khangh an si lai.

LEVITIKAS 4:21

Cun cawtum cu riahbuk lengah a kalpi lai i a hmasa cawtum a khangh bantuk khan a khangh ve lai; mah hihi mi zapi ca i sual thawinak a si.

LEVITIKAS 6:10

Cun tlangbawi nih a puan hmangṭhia cu aa hruk lai i a pum cungah a puan hmangṭhia tawhrolh cu aa hrolh lai i, biakṭheng cung i mei nih a kangh dihmi khangh thawinak vutcam cu a lak lai i biakṭheng kamah a chiah hna lai.

LEVITIKAS 6:12

Biakṭheng cung i mei cu alhter camcin a si lai, a mih awk a si lai lo; zing fate in tlangbawi nih a cungah thing a tih lai i a cungah khangh thawinak cu a ningcang tein a chiah lai i, a cungah daihnak thawinak hna thau cu a khangh lai.

EXODUS 29:37

Ni sarih chung kha biakṭheng caah cun sual ngaihthiamnak caah raithawinak na ser lengmang lai i biakṭheng cu na thianter lai. Cun biakṭheng cu a zarh ngaingaimi thil ah a cang lai i a tawngtu paoh kha thil zarh ah an cang ve lai.”

LEVITIKAS 6:20

“Mah hihi chiti thuh a si ni ah Aaron le a fapa hna nih Bawipa sinah an pekchanh awk thawinak a si lai. Pekchanh tawnmi changvut thawinak ah changvut dip ephah pakhat cheu hra cheu khat, a cheu cu zinglei ah, a cheu zanlei ah.

LEVITIKAS 6:22

Aaron fapa hna lak in amah a chaangtu ding i chiti thuhmi tlangbawi nih zungzal nawlbia bangin Bawipa sinah a pekchanh lai; a dihlak in khangh a si lai.

LEVITIKAS 7:6

Tlangbawi hna lak i pa paoh nih cun mah cucu an ei lai; hmun thiang pakhat ah ei a si lai; mah cucu a thiang bik a si ve.

LEVITIKAS 24:9

Cun mah cucu Aaron le a fapa hna caah a si lai i hmunthiang chungah khan an ei lai, zeitintiah Bawipa sinah mei in pekchanhmi lakah khan a caah a thiang bik, a hmuh camcin awk vo cu a si,” tiah a ti.