LEVITIKAS 4:6 - Lai (Hakha) Common Language Bible 2006

⁶ thi chungah cun tlangbawi nih a kutdong a hnim lai i hmunthiang puanzar hmai Bawipa hmaika ah cun thi cu tlawmpal in voi sarih a theh lai.

LEVITIKAS 4:6 Խաչաձեւ Հղումներ

JOSHUA 6:8

Cun Joshua nih mi zapi cu nawl a pek hna bangin, tlangbawi pasarih, tuukawng ki muko pasarih Bawipa hmai i aa putmi hna cu, muko cu tumpah in a hmaiah an kal i Bawipa biakamnak kuang nih cun a zulh hna.

JOSHUA 6:4

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

LEVITIKAS 26:28

keimah zong thinhun in nanmah ralchanh in ka kal ve lai i keimah hrimhrim nih nan sualnak caah khan a let sarih in kan chimhhrin hna lai.

LEVITIKAS 26:24

keimah zong nannih ralchanh in ka kal ve lai i keimah hrimhrim nih nan sualnak ruangah a let sarih in kan tuk hna lai.

LEVITIKAS 26:18

Cun mah hi ti, ti zong i ka bia nan ngaih ṭhiamṭhiam lo ahcun nan sualnak ruangah a let sarih in kan chimhhrin rih hna lai i,

LEVITIKAS 16:19

Cun a cungah thi cu tlawmpal in a kutdong in voi sarih a theh lai i Israel mi an thian lonak cun a tlengh lai i a thianh lai.

LEVITIKAS 16:14

cun cawtum thi cu tlawmpal in a lak lai i a kutdong in velngeihnak ṭhutdan a hmailei cu a theh lai, cun velngeihnak ṭhutdan hmaika ah cun thi cu a kutdong in voi sarih a theh lai.

LEVITIKAS 14:18

tlangbawi kut chungah a tang rihmi chiti cu thianh awk a simi lu ah khan a thuh lai. Cun tlangbawi nih amah caah cun Bawipa hmaiah remnak a serpiak lai.

LEVITIKAS 14:27

a orhlei kutdong in a kehlei kut chung i a ummi chiti cu Bawipa hmaiah voi sarih a theh lai;

LEVITIKAS 14:16

cun a kehlei kut zapei kuar i a ummi chiti cu a orhlei kutdong in a tawh lai i chiti cu tlawmpal in Bawipa hmaiah voi sarih a theh lai.

LEVITIKAS 9:9

Cun Aaron fapa hna nih a thi kha a sinah an rak put i thi chungah cun a kutdong a hnim i biakṭheng ki ah cun a neh i thi cu biakṭheng hram ah cun a thlet;

LEVITIKAS 8:15

Moses nih a thah i a thi cu a lak i biakṭheng ki hna ah cun a velchum in a kutdong in a thuh, cun biakṭheng ca i remnak ser awkah biakṭheng cu a thianter i a hramah thi cu a thlet i a thianter.

LEVITIKAS 4:34

Cun tlangbawi nih sual thawinak sathi cu tlawmpal in a kutdong in a lak lai i khangh thawinak biakṭheng ki ah cun a thuh hna lai i a tangmi a thi cu biakṭheng hram ah a thlet lai.

LEVITIKAS 4:30

Cun tlangbawi nih a thi cu tlawmpal in a kutdong in a lak lai i khangh thawinak biakṭheng ki ah khan a thuh hna lai i a taangmi a thi cu biakṭheng hram ah cun a thlet lai.

LEVITIKAS 4:25

Cun tlangbawi nih sual thawinak thisen cu tlawmpal in a kutdong in a tawh lai i khangh thawinak biakṭheng ki ah cun a thuh hna lai i a tangmi a thi cu khangh thawinak biakṭheng hram ah cun a thlet lai.

LEVITIKAS 4:17

tlangbawi nih cun sathi chungah cun a kutdong a hnim lai i Bawipa hmaiah puanzar hmaiah cun voi sarih a theh lai.

NAMBAR 19:4

Cun tlangbawi Eleazar nih a thi kha a kutdong in tlawmpal a lak lai i cu thi chung cun tlawmpal in tonnak thlam hmailei cu voi sarih a theh lai.

LEVITIKAS 25:8

“Cun sabbath kum timi pasarih hna kum cu na rel lai, pasarih let sarih kum, sabbath pasarih hna kum cu nan caah kum sawm li le kum kuanak a si lai.

EXODUS 40:21

Cun kuang cu Pathian umnak thlam chungah khan a chiah i a phentu puanzar kha a zar hna. Cuticun Bawipa nih a chimh bantuk te khan biakamnak lungtlap umnak kuang kha him tein a umter.

EXODUS 40:26

Sui biakṭheng kha pumhnak thlam chungah khan, puanzar he hmaitonh in a chiah.

LEVITIKAS 8:11

Cun chiti cu tlawmpal in biakṭheng ah cun voi sarih a theh i, biakṭheng le a umkheng vialte le a hmaihum le a hunnak cu thianter awk caah a thuh hna.

LEVITIKAS 14:7

cun thinghmui zawtnak in thianh awk a simi cu voi sarih a theh lai i amah cu a thiang tiah a thanh lai i a nungmi va cu ramlak ah cun a thlah lai.