LEVITIKAS 4:35 - Lai (Hakha) Common Language Bible 2006

³⁵ Cun a thau vialte cu daihnak thawinak ca i pekchanhmi tuufa chungin a thau lak a si bantuk khan a lak lai i, tlangbawi nih biakṭheng cungah, Bawipa sinah mei in pekchanhmi hna cungah khan, a khangh lai. Cun tlangbawi nih sualnak a tuahmi caah khan remnak a serpiak lai i ngaihthiam a si lai.”

LEVITIKAS 4:35 Խաչաձեւ Հղումներ

LEVITIKAS 4:26

Cun a thau vialte cu biakṭheng ah a khangh hna lai, daihnak thawinak pekchanhnak sathau bantuk khan; cu bantuk cun tlangbawi nih a sualnak caah cun remnak a tuahpiak lai i ngaihthiam a si lai.

LEVITIKAS 4:20

Cu bantukin cawtum cu a tuah lai; sual thawinak cawtum a tuah bantuk khan, mah hi zong cu a tuah ve lai; cun tlangbawi nih cun annih caah remnak a ser lai i annih cu ngaihthiam an si lai.

LEVITIKAS 14:18

tlangbawi kut chungah a tang rihmi chiti cu thianh awk a simi lu ah khan a thuh lai. Cun tlangbawi nih amah caah cun Bawipa hmaiah remnak a serpiak lai.

LEVITIKAS 6:7

cun tlangbawi nih cun Bawipa hmaiah remnak a serpiak lai i, a mawhnak thil a tuahmi paohpaoh kong ah ngaihthiam a si lai.”

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

1 PETER 2:22

Sualnak zeihmanh a tuah lo, lih a chim bal lo.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

HEBRU 4:14

Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

KOLOSE 1:14

a Fapa thawng cun luatnak kan hmu i kan sualnak cu ngaihthiam kan si.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

ROM 4:25

Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.

NAMBAR 15:25

Palhnak a si ca i Bawipa sinah mei in thawinak le Bawipa hmaiah an sual thawinak, an palhnak caah an rak put cang caah, tlangbawi nih Israel mibu ningpi caah cun remnak a ser lai i ngaihthiam an si lai.

LEVITIKAS 14:53

cun a nungmi va cu khua chungin ram lakah a zuanter lai; cu bangin inn caah cun remnak a ser lai i a thiang a si lai.”

LEVITIKAS 12:8

Cun tuufa kha a ngeih khawh lo ahcun, ṭhuro pahnih maw, laileng no pahnih dik a lak hna lai, pakhat cu khangh thawinak caah a si lai i a dang cu sual thawinak caah a si lai; cun tlangbawi nih remnak a serpiak lai i amah cu a thiang lai.”

LEVITIKAS 9:7

Cun Moses nih Aaron sinah, “Biakṭheng cu hei naih law, na sual thawinak le na khangh thawinak cu thawi hna, cun nangmah le mi hna caah remnak ser tuah; cun mi hna thawinak cu rak pu law, an caah remnak ser tuah, Bawipa nawl peknak bang khan,” tiah a ti.

LEVITIKAS 5:13

Cu bantukin tlangbawi nih a caah, hi thil pakhatkhat hna cung i sualnak a tuahmi caah cun remnak a serpiak lai i ngaihthiam a si lai. Cun a taangmi cu changvut thawinak i bantuk khan tlangbawi caah a si lai.”

LEVITIKAS 5:10

Cun, pahnihnak cu a phunglam ning in khangh thawinak caah a thawi lai i sualnak a tuahmi caah khan tlangbawi nih remnak a serpiak lai i ngaihthiam a si lai.

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

NAMBAR 15:28

Cun tlangbawi nih, palhnak a tuahmi caah khan Bawipa hmaiah remnak a ser lai; cu pa nih hngalh loin a sual tikah remnak a serpiak lai i ngaihthiam a si lai.

LEVITIKAS 15:15

tlangbawi nih cun a thawi hna lai, pakhat cu sual thawinak caah, pakhat cu khangh thawinak caah; cun tlangbawi nih amah caah cun a thil chuakmi caah khan Bawipa hmaiah remnak a serpiak lai.

LEVITIKAS 19:22

Cun tlangbawi nih amah cu phungbuar thawinak tuukawng cun Bawipa hmaiah sualnak a tuahmi caah cun remnak a serpiak lai i a tuahmi sualnak cu ngaihthiam a si lai.