LEVITIKAS 4:21 - Lai (Hakha) Common Language Bible 2006

²¹ Cun cawtum cu riahbuk lengah a kalpi lai i a hmasa cawtum a khangh bantuk khan a khangh ve lai; mah hihi mi zapi ca i sual thawinak a si.

LEVITIKAS 4:21 Խաչաձեւ Հղումներ

LEVITIKAS 16:15

“Cun mi zapi ca i a simi sual thawinak meheh kha a thah lai i a thi cu puanzar chungah a luhpi lai, cun a thi cu cawtum thi a tuah bantuk khan a tuah lai, velngeihnak ṭhutdan cung le velngeihnak ṭhutdan hmai kha a theh lai;

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

EZRA 8:35

Khi caan ah khan, sal taannak in a kir cangmi, sal chuak pawl nih khan Israel Pathian sinah cun khangh thawinak, Israel mi vialte caah cawtum hleihnih, tuukawng sawm kua le paruk, tuufa sawm sarih le pasarih, cun sual thawinak caah mehehtum hleihnih an pekchanh; mah vialte hi Bawipa sin i pekchanhmi khangh thawinak a si.

LEVITIKAS 16:21

Aaron nih a kut pahnih in meheh nung lu ah cun a chuan lai i Israel mi ṭhat lonak vialte, an phungbuarnak vialte le an sualnak vialte cu a cungah cun a phuan lai i meheh lu cungah cun a chiah hna lai, mi pakhat timhcia in a ummi nih khan ramlak ah a kalpi lai.

HEBRU 13:11

Judah mi Tlangbawi Ngan nih khan Hmun Thiang Bik chungah sual thawinak caah saram thisen kha a luhpi tawn; sihmanhsehlaw saram pum kha cu, riahhmun lengah an khangh hna.

LEVITIKAS 4:13

“Israel mi bu nih an bupi in hngalh loin sualnak an tuah i cu thil cu zapi hmuh lomi thil a si i Bawipa nih tuah lo awk tiin nawl a pekmi pakhatkhat cu an tuah i an mawh ahcun,

LEVITIKAS 4:20

Cu bantukin cawtum cu a tuah lai; sual thawinak cawtum a tuah bantuk khan, mah hi zong cu a tuah ve lai; cun tlangbawi nih cun annih caah remnak a ser lai i annih cu ngaihthiam an si lai.

NAMBAR 15:24

mibu nih hngalh loin tuah sual a si ahcun, a pummi vialte nih khangh thawinak, Bawipa sin i rimthaw caah cawtum no pakhat nan pek lai; a phunglam ningin a changvut thawinak le a thlet thawinak he, cun meheh a pa pakhat sual thawinak caah nan pek lai.

EXODUS 29:14

Asinain a sa le a phaw le a chungthin cu riahhmun lengah khan na khangh hna lai. Hi thawinak hi sual ngaihthiamnak thawinak a si.

LEVITIKAS 6:11

Cun a puan kha aa phoih hna lai i puan dang aa aih lai i vutcam cu riahbuk leng hmunthiang ah a kalpi lai.

LEVITIKAS 6:23

Tlangbawi changvut thawinak kip cu a dihlak in khangh a si lai; ei a si lai lo.”

LEVITIKAS 8:17

Sihmanhsehlaw cawtum cu a phaw le a sa le a ek he riahbuk lengah mei in a khangh, Bawipa nih Moses kha nawl a pek bang khan.

LEVITIKAS 16:27

Cun sual thawinak ca i cawtum le sual thawinak ca i meheh, hmunthiang chung i remnak ser awk ca i an thi rak luhpimi hna kha, riahnak hmun lengah chuahpi an si lai; an phaw le an sa le an ek hna cu mei in khangh an si lai.

EZEKIEL 45:22

Cu ni ah cun nan bawi nih cun amah ca le mizapi ca i sual thawinak caah khan cawtum pakhat a thawh lai.