LEVITIKAS 3:8 - Lai (Hakha) Common Language Bible 2006

⁸ A laksawng lu cungah cun a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

LEVITIKAS 3:8 Խաչաձեւ Հղումներ

LEVITIKAS 1:5

Cun Bawipa hmaiah cawtum kha a thah lai i Aaron fapa hna, tlangbawi hna nih khan, sa thi cu an pek lai i, tonnak thlam innka i a ummi biakṭheng kha a velchum in an theh lai.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

EFESA 3:12

Amah he kan i pehtlaih caah le amah kan zumhnak thawngin Pathian umnak chungah ṭih lo tein luh ngamnak luatnak kan ngei.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

LEVITIKAS 4:24

Amah nih meheh lu cungah cun a kut a chuan lai i Bawipa hmai i khangh thawinak an thahnak hmun ah khan a thah lai; mah hihi sual thawinak a si.

LEVITIKAS 4:15

Cun an bu chung upa hna nih cawtum lu ah cun Bawipa hmaika ah an kut an chuan lai i cawtum cu Bawipa hmaika ah an thah lai.

LEVITIKAS 4:4

Cawtum cu tonnak thlam innka ah Bawipa hmaiah cun a rak put lai i cawtum lu cungah cun a kut a chuan lai i Bawipa hmaiah cun cawtum cu a thah lai.

LEVITIKAS 3:13

A lu cungah a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

LEVITIKAS 1:11

cun Bawipa hmaiah a ummi biakṭheng chaklei kamah a thah lai i Aaron fapa hna tlangbawi hna nih khan a thi cu biakṭheng kha a velchum in an theh lai.

LEVITIKAS 1:4

amah nih khangh thawinak sa a lu cungah cun a kut a chiah lai i amah caah remnak tuahnak caah cohlanpiak a si lai.