LEVITIKAS 3:2 - Lai (Hakha) Common Language Bible 2006

² Cun a pekchanhmi lu cungah a kut a chuan lai i tonnak thlam innka ah a thah lai i Aaron fapa hna, tlangbawi hna nih khan, a thi cun biakṭheng kha a velchum in an theh lai.

LEVITIKAS 3:2 Խաչաձեւ Հղումներ

EXODUS 29:10

“Cawtum kha pumhnak thlam hmaiah khan na ratpi lai i Aaron le a fapa hna nih khan a lu cungah an kut an chuan lai.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

LEVITIKAS 8:22

Cun a dang tuukawng pakhat, thleidannak tuukawng cu, a pek; cun Aaron le a fapa hna nih tuukawng lu cungah an kut an chuan.

LEVITIKAS 1:11

cun Bawipa hmaiah a ummi biakṭheng chaklei kamah a thah lai i Aaron fapa hna tlangbawi hna nih khan a thi cu biakṭheng kha a velchum in an theh lai.

EXODUS 29:11

Bawipa hmaika ah cun pumhnak thlam innka ah khan cawtum cu na thah lai.

EXODUS 29:16

Nan thah lai i a thi cu biakṭheng velchum ah khan na thlet lai.

LEVITIKAS 3:3

Cun daihnak thawinak pekchanhnak chungin, Bawipa sinah mei in thawinak caah, a chungril khuhtu thau le, a kiar vialte le,

LEVITIKAS 3:8

A laksawng lu cungah cun a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

NAMBAR 18:17

Sihmanhsehlaw caw fater siseh, tuu fater siseh, meheh fater siseh, na tlan hna lai lo; annih cu an thiang. An thi cu biakṭheng cungah na theh lai i an thau cu mei in thawinak caah, Bawipa ca i rimthaw ah, na khangh lai;

EXODUS 29:15

“Tuukawng pakhat kha na lak lai i Aaron le a fapa hna nih khan a lu cungah an kut an chuan lai.

EXODUS 29:19

“Cun tuukawng a dang pakhat kha na lak lai i Aaron le a fapa hna nih khan a lu cungah an kut an chuan lai.

LEVITIKAS 17:3

Israel innchungkhar chungmi mi zeihmanh nih cawtum siseh, tuufa siseh, meheh siseh, riahhmun chungah siseh, riahhmun lengah siseh, a thah i

LEVITIKAS 17:4

Bawipa puan biakinn hmaiah Bawipa sin i laksawng caah tonnak thlam innka ah a rak put lo ahcun, cu pa cungah cun thisen chuah mawhnak khinh a si lai; thisen a chuah hrimhrim ko; cu pa cu a mi hna sinin hlonh a si lai.