LEVITIKAS 26:37 - Lai (Hakha) Common Language Bible 2006

³⁷ Ahohmanh i dawi ṭung lo ah vainam he dawi bantukin pakhat le pakhat an i rilhhnawh lai i nan ral hna hmai i dir awkah ṭhawnnak nan ngei lai lo.

LEVITIKAS 26:37 Խաչաձեւ Հղումներ

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

BIACEIHTU 7:22

Cun muko za thum kha an tum tikah Bawipa nih ralkap vialte cu anmah le anmah kha an vainam in a tukter ciammam hna i ralkap hna cu Zererah lei i Beth-shittah tiang an zam, Tabbath pawng Abel-meholah ramri tiangin.

NAMBAR 14:42

Hung kal hlah u, nan ral nih a thah lam an in thah sual hna lai, zeitintiah Bawipa cu nan sinah a um lo.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

JEREMIAH 6:21

Cucaah hi mi hna hi an hmaiah i chuih awk lungtum ka chiahpiak hna lai i an i chuih lai i an tlu lai; Pale hna le fale hna le innpa le hawikom hna kha hmun khat ah an thi lai,” tiah Bawipa nih a ti.

JEREMIAH 46:16

Izipt mizapi hna cu an ril i an tlu, pakhat le pakhat an i pah dih; ‘Tho tuah, kanmah mi hna sinah khan, kan chuahnak ram ah khan kir u sih, Hremtu vainam hi zamtak u sih,’ tiah an i ti.

NAHUM 3:3

Rangleng hna cu an choi cukmak, rangcung ralkap hna nih cun an hun nam cutmat, An vainam cu a tleu in an tleu, an fei cu a cer in an cer! Mithi cu rel cawk an si lo, an ruak cu a pon in aa pong; a rel in rel cawk an si lo, mi nih ruak cu i pah lulhmalh an si ko.

1 SAMUEL 4:2

Filistin mi hna cu Israel mi doh awkah cun a tlang a tlang in an rak um i an hun i doh tikah Filistin mi hna nih cun Israel mi cu an tei hna, mi thong li tluk raldohnak hmun ah cun an thah hna.