LEVITIKAS 26:32 - Lai (Hakha) Common Language Bible 2006

³² Ram cu ka hrawh cikcek lai i cu caah nan ral hna cu a chung i an um tikah an khuaruah a har lai.

LEVITIKAS 26:32 Խաչաձեւ Հղումներ

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

JEREMIAH 18:16

Anmah nih an ram cu pakpalawng ah an ser i Zungzal in mi nih an nihsawh lai. A pawng i a kalmi paoh cu an thla a hlauh hna lai i an lu an i thin sek len lai.

EZEKIEL 5:15

Nannih cu nihsawh awk le zawmhtaih awk thil ah nan cang lai i nan cung i biachahnak le biakhiahnak thinhung le thinlin in ka tuah tikah nan velchum i a ummi miphun hna caah i zohchunh awk thil ṭihnung nan si lai.

JEREMIAH 25:18

cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

1 SIANGPAHRANG 9:8

Cun hi inn hi a rawkmi thilpon ah a cang lai; a pawng i a kalmi paoh an khuaruah a har lai i an hnar an phit lai i annih nih cun, ‘Zeicahdah mah ti hin Bawipa nih hi ram cung le hi inn cungah hin a tuah hnga?’ tiah an ti lai.

DEUTERONOMI 28:37

Cun Bawipa nih an hruai hna lainak mi hna lakah cun nannih cu tuksapur le phungthlukbia le nihchuak capo men ah nan cang lai.

LUKA 21:20

Cun Jesuh nih cun, “Nannih nih Jerusalem khua kha ralkap i an kulh nan hmuh tikah a rauh hlanah a rawk cang lai ti kha hngalh u.

HABAKKUK 3:17

Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saṭil run kha um loin Saṭil inn ah saṭil kha um hmanh hna hlah seh law,

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.

ṬAHNAK HLA 5:18

Zeicahtiah Zion Tlang cu a ṭiao i A cungah cenghngia kha an i chawk.

ṬAHNAK HLA 4:12

Ral nih siseh, ral chimtu nih siseh Jerusalem kutka chungah an lut lai, ti hi ahohmanh nih an zum lo, Vawlei cung siangpahrang nih si hna seh, Vawlei cung i khua a sami paoh nih si hna seh an zum lo.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

JEREMIAH 44:2

“Hi bangin Ralkapbu Bawipa, Israel Pathian nih a ti: Jerusalem khua le Judah ram khua vialte hna cungah ka tluntermi ṭhat lonak vialte cu nan hmuh cang: atu ah cun an ṭiao dih i ahohmanh um ti loin kaltak an si dih cang,

JEREMIAH 25:38

Chiandeih a kua a chuahtakmi bantuk khan an zam, Zeicahtiah an ram cu pakpalawng ah a cang cang, Vainam le thinhunnak nih pakpalawng ah a canter dih cang.

ISAIAH 64:10

Na khua thiang hna cu thetse ram bantuk an si i Jerusalem cu a rawk i ṭiaotakmi khua a si.

ISAIAH 24:1

Bawipa nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a ṭhek dih hna lai.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

ISAIAH 5:9

Cun Ralkapbu Bawipa nih a chimmi kha ka theih i, “Hi inn ngan pipi le inn ṭhaṭha hna hi an rawk dih lai.

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

JEREMIAH 12:11

Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

JEREMIAH 33:10

Bawipa nih hitihin a ti: “Nannih nih nan i thawh i, hi hmun cu a rawk cang, Judah ram khua chungah siseh, Jerusalem khua chungah siseh, mi siseh, saram siseh, an um ti lo. Pakpalawng ah a cang ko cang, mi zong an um ti lo, saram zong an um ti lo, nan ti.