LEVITIKAS 26:20 - Lai (Hakha) Common Language Bible 2006

²⁰ cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

LEVITIKAS 26:20 Խաչաձեւ Հղումներ

ISAIAH 49:4

Kei nih ka thawh i, “Ṭuan cu ka ṭuan ko, sihmanhsehlaw ka ṭuanmi cu san a tlai lo. Ka thazang cu a dih umnak in ka hman, sihmanhsehlaw zeihmanh ka tlamtlinh lo,” ka ti. Asinain Pathian nih thil cu a ṭhatter ko lai tiah ka zumh i ka ṭuan man kha a ka pek ko lai.

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

DEUTERONOMI 11:17

cu ti nan tuah ahcun Bawipa thinhunnak cu nan cungah a alh lai i, van khi a khar hna lai i, ruah a sur lai lo i, vawlei nih a theitlai a chuahter lai lo i, Bawipa nih an pekmi hna ram ṭha hin khulrang tein nan lo sual ko lai.

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.

LEVITIKAS 26:4

nan ruahpi cu an caan te ah kan pek hna lai i ram nih hin tirawl an chuahpiak hna lai i nan lo chung thing hna nih thei an tlai lai.

GALATI 4:11

Nan ca i har lengmang in ka ṭuanmi vialte kha pakpalawng ah nan canter sual lai ti ka phang ko.

1 KORIN 3:6

Kei nih a ci ka tuh, Apollo nih a kung kha ti a toih, sihmanhsehlaw a ṭhantertu cu Pathian a si.

HAGGAI 2:16

Rawl pumhmi kha phorh kul a si lai tiah nan ruahmi ah khan phorh hra lawng a rak um; mitsur hang nennak khor umpu sawm nga a um lai tiah nan fuhmi ah, kul lawng a rak um;

ISAIAH 17:11

Asinain na cin hna zing hrimhrim ah kho in par hna hmanh seh law kumvui zeihmanh na hmu ṭhiamṭhiam lai lo. Harnak le a dam kho lomi fahnak lawng a um lengmang ko lai.

SALM 107:34

Vawlei ṭhatnak hmun cu, cite vawlei, vawlei ṭhalo ah a canter, zeicahtiah cuka i a ummi hna cu an ṭha lo.

JOB 31:40

Changvut can ah hling kho hna seh law barli can ah belh kho ko hna seh,” tiah a ti. Job bia cu an dong.

DEUTERONOMI 28:42

Thingkung vialte le nan vawlei theitlai cu khaubawk ta an si lai.

DEUTERONOMI 28:18

Nan pum theitlai le nan vawlei theitlai le nan saṭil karhnak le nan tuurun fano hna cu chiat an tong lai.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

JEREMIAH 12:13

Ka mi hna nih changvut an cin i hling an zun, Thaba ngaiin an ṭuan, sihmanhsehlaw rawl fang zeihmanh an hmu lo. Bawipa kha a thin a hun caah an kumvui cu a ṭha hrimhrim lo.

GENESIS 4:12

Lo na thlawh tikah vawlei nih rawl zeihmanh an chuahpiak lai lo; vawlei cungah inn ngei loin a vak lengmangmi na si lai,” a ti.

1 SIANGPAHRANG 18:2

Cucaah Ahab sin i vaa langh awkah cun Elijah cu a kal. Atu cu Samaria ram ah cun mangṭam cu a fak ko cang.

HOSEA 2:11

Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.