LEVITIKAS 26:1 - Lai (Hakha) Common Language Bible 2006

¹ “Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

LEVITIKAS 26:1 Խաչաձեւ Հղումներ

LEVITIKAS 19:4

Siasal leiah i mer hlah u, thletmi pathian zong i ser hna hlah u: keimah hi Bawipa nan Pathian cu ka si.

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

EXODUS 20:23

Keimah he biak ṭi awkah, sui in siseh, ngun in siseh pathian nan i ser hna lai lo.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

EXODUS 34:17

“Nanmah caah thletmi pathian nan ser lai lo.

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

SALM 97:7

Siasal a biami vialte kha an ning a zak dih, an siasal aa porhlawmi vialte kha an ning a zak dih; pathian vialte cu a hmaiah an kun dih.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

LEVITIKAS 25:55

Zeitintiah keimah caah cun Israel mi cu ka sal an si; Izipt ram in ka chuahpimi ka sal an si; keimah cu Bawipa nan Pathian ka si.

DEUTERONOMI 5:6

“ ‘Keimah cu Bawipa na Pathian, Izipt ram, sal sinak inn chungin an chuahpitu ka si.

SALM 78:58

Lawkih biaknak hmun an sermi nih khan a thin a hunter i an serchommi siasal hna nih khan a nah an chuahter.

LEVITIKAS 7:33

Aaron fapa hna lakah daihnak thawinak hna thi le thau a thawitu nih a orhlei phei cu a co lai.

BIACEIHTU 18:30

Cun Dan mi hna nih cun suaimi milem cu anmah caah an i phun. Cun Moses fapa Gershom i a fapa Jonathan le a fapa hna cu, ram kha sal i a taan ni tiang, Dan miphun caah tlangbawi an si.

2 SIANGPAHRANG 17:8

Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna.

2 SIANGPAHRANG 17:10

lungphun hna le Asherim kha tlang sang kip cung le thingkung hring tang kip ah an i ser hna i

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.