LEVITIKAS 25:9 - Lai (Hakha) Common Language Bible 2006

⁹ Cun thla sarih thla ni hra ni ah cun a thangmi muko kha nan chawhpi lai; remnak ni ah cun nan ram chung vialte ah muko cu nan tum thluahmah lai.

LEVITIKAS 25:9 Խաչաձեւ Հղումներ

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

1THESALON 1:8

Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

SALM 89:15

Hla in nangmah an biami cu milunglawm an si, na zaangfahnak ceunak chung i a ummi cu lunglawmmi an si.

NAMBAR 36:4

Cun Israel mi jubili a phak tikah, an ro cu an fonhmi hna hrin i ro ah chap a si lai i kan pa hrin ro chungin an ro cu lak a si lai,” tiah an ti.

NAMBAR 10:10

Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.

LEVITIKAS 27:24

Jubili kum ah cun a cawknak pa, roconak in a rak cotupa sinah khan, lo cu a kir ṭhan lai.

LEVITIKAS 27:17

Jubili kum in a pekchanhnak cu a si ahcun, nangmah nih a man na tuakning bantuk cun a hmun lai;

LEVITIKAS 16:30

zeitintiah hi ni ah hin nannih caah, nannih cu thianh awkah, remnak ser a si lai; nan sualnak vialte in Bawipa hmaiah nan thiang lai.

LEVITIKAS 16:20

“Hmunthiang ca le tonnak thlam ca le biakṭheng ca i remnak a tuahnak a dih tikah, meheh nung cu a pekchanh lai;

LEVITIKAS 25:8

“Cun sabbath kum timi pasarih hna kum cu na rel lai, pasarih let sarih kum, sabbath pasarih hna kum cu nan caah kum sawm li le kum kuanak a si lai.

JOSHUA 6:4

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

LEVITIKAS 16:29

“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

SALM 89:16

Nangmah thawngin chun nitlak an i lawm i na ṭhat ruangah nangmah cu an in thangṭhat.