LEVITIKAS 25:48 - Lai (Hakha) Common Language Bible 2006

⁴⁸ aa zuarh hnu zongah tlanh khawh a si lai; a unau pakhatkhat nih an tlanh lai,

LEVITIKAS 25:48 Խաչաձեւ Հղումներ

NEHEMIAH 5:5

Cun annih nih cun, “Sihmanhsehlaw kan pum herhbaunak cu midang hna herhbaunak bantuk a si ve ko i kan fale hna cu an fale tlukin a ṭhami an si ve ko nain, kannih tu nih cun kan fale hna cu sal i i can awkah kan hnek lengmang ko hna. Kan fanule a cheukhat hna lebang cu sal ah an cang taktak cang, asinain, zeihmanh kan tuah khawhmi a um lo, zeicahtiah kan lo hna le kan mitsur dum hna cu midang ta an si cang,” an ti.

NEHEMIAH 5:8

ka thawh hna i, “Kannih nih kan celh khawh chungin miphun dang hna sinah zuarhmi kan unau hna cu kan cawk hna; sihmanhsehlaw nannih nih cun nan unau hna cu nan zuarh hna i kanmah nih kan cawk ṭhan hna a herh lai,” ka ti. Annih cu cipkhap ti loin an um i biachim awk pakhat hmanh an hngal lo.

LEVITIKAS 25:35

“Na unau cu a si a fah i nangmah kha an toh ahcun, nangmah nih na rak cawmken lai; khual le mipem bantukin na sinah a um lai.

LEVITIKAS 25:25

“Nan unau a si a fah i a thilri a cheukhat cu a zuar ahcun, amah he aa naih bikmi a rualchan nih a ra lai i a unau nih a zuarmi cu a tlanh lai.

LEVITIKAS 25:47

“Nangmah sin i a ummi khual maw mipem maw a hung rum i a pawng i a ummi na unau a si a fah i na sin i a ummi khual sinah cun maw mipem sinah cun maw, asiloah, khualpa innchungkhar lak i pakhatkhat sinah maw aa zuar ahcun,

LEVITIKAS 25:49

asiloah, a pa unau nih maw a pa unau fa nih maw a tlanh lai, asiloah, amah innchungkhar mi a simi pakhatkhat nih a tlanh lai; asiloah, amah cu a hung rum ahcun amah le amah aa tlan lai.

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.