LEVITIKAS 25:46 - Lai (Hakha) Common Language Bible 2006

⁴⁶ Nan hnu i nan fapa hna kha, zungzal in co awkah nan roh khawh hna lai; annih cu sal ah nan ser khawh hna lai, sihmanhsehlaw Israel mi nan unau a simi hna cu, pakhat le pakhat hrang piin nan i uk lai lo.

LEVITIKAS 25:46 Խաչաձեւ Հղումներ

ISAIAH 14:2

Israel mi cu Bawipa nih a pekmi hna ram i an kir kha miphun tampi nih an bawmh hna lai i cuka ah cun cu miphun hna nih cun sal bantukin an rian an ṭuanpiak hna lai. Hmasa i Israel mi a rak tlaitu hna kha atu cu Israel mi nih an tlaih ve hna lai i hmasa i a rak hremtu hna kha an uk ve hna lai.

LEVITIKAS 25:43

Amah cu hrang piin na uk lai lo, sihmanhsehlaw na Pathian kha na ṭih lai.

EXODUS 1:13

sal hremnak a fakmi chungah khan an khumh hna i

LEVITIKAS 25:45

Cun nannih sin i khua a sami phundang mi hna le nan ram i hrinmi an chungkhar hna lak zongin nan cawk khawh hna lai i nan misa an si lai.

LEVITIKAS 25:47

“Nangmah sin i a ummi khual maw mipem maw a hung rum i a pawng i a ummi na unau a si a fah i na sin i a ummi khual sinah cun maw mipem sinah cun maw, asiloah, khualpa innchungkhar lak i pakhatkhat sinah maw aa zuar ahcun,