LEVITIKAS 23:20 - Lai (Hakha) Common Language Bible 2006

²⁰ Tlangbawi nih theitlai hmasa bik changreu he cun Bawipa hmai i hninh thawinak caah cun tuufa pahnih he cun a hninh hna lai; Bawipa ca i a thiangmi, tlangbawi vo an si lai.

LEVITIKAS 23:20 Խաչաձեւ Հղումներ

DEUTERONOMI 18:4

Nan rawl in siseh, nan mitsur hang in siseh, nan chiti in siseh, theitlai hmasa bik hna le nan tuuhmul meh hmasa bik hna cu nan pek lai.

EFESA 2:14

Judah mi le Jentail mi kha miphun phunkhat ah a ser hna thawngin Khrih nih kannih cu daihnak a kan pek. Anmah a ṭhentu hna vampang, ral a siter pengtu hna kha, a pum hrimhrim in a chimh.

1 KORIN 9:11

Nan lakah thlarau thlaici kha kan tuh, nan sinin vawlei cung thil kan zun ahcun cucu a tam tuk maw?

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

LEVITIKAS 23:17

Nan umnak hna khan hninh awkah, ephah cheu hra cheu hnih in sermi changreu hlum hnih nan rak put lai; changvut dip in sermi an si lai i thilnu he rawhmi an si lai, Bawipa ca i theitlai hmasa bik hna caah an si lai.

LEVITIKAS 8:29

Cun Moses nih a ii cu a lak i Bawipa hmai i hninh thawinak caah a hninh; Bawipa nih Moses nawl a pek bangin, mah cucu thleidannak tuukawng chungin Moses vo cu a si.

EXODUS 29:24

Hi rawl vialte hi Aaron le a fapa hna kut chungah khan na chiah hna lai i Bawipa sinah an pekchanh hna lai; an pekchanh hna tikah an kut in an hler hna lai.

LEVITIKAS 23:19

Cun meheh tum pakhat sual thawinak caah, cun kum khat cio a timi tuufa a pa pahnih daihnak pekchanh thawinak caah nan thawi hna lai.

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.