LEVITIKAS 23:14 - Lai (Hakha) Common Language Bible 2006

¹⁴ Cun nan Pathian sin i pekchanhnak nan tuah hlantiang, cu ni theng tiang cu, changreu siseh, fangvoi a reu in siseh, a hring in siseh, nan ei lai lo; mah hihi nan techin fapar tiangin nan umnak kip ah zungzal ca nawlbia a si.

LEVITIKAS 23:14 Խաչաձեւ Հղումներ

EXODUS 34:26

“Nan lo chungin a chuakmi theitlai hmasa bik lak i a ṭha bik kha Bawipa inn ah nan rak put lai. “Tuufa cu a nu hnuk in nan chuang lai lo,” a ti.

NEHEMIAH 9:14

annih cu a thiangmi na sabbath kha na hngalhter hna i nawlbia le phung le phungbia kha na sal Moses sinin na pek hna.

DEUTERONOMI 16:12

Izipt ram ah sal nan rak si kha nan hngalh camcin lai i, hi nawlbia hna hi ralring tein zulh awk nan i zuam lai.

LEVITIKAS 10:11

Israel mi hna kha Moses in Bawipa nih a chimmi nawlbia vialte kha nan cawnpiak hna lai,” tiah a ti.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

SALM 19:8

Bawipa phunglam cu ahmaanmi an si, cu phunglam a zulmi cu an lung aa lawm. A nawlbia cu dinnak leiah a tlingmi an si i hngalhthiamnak lungthin pe khotu an si,

LEVITIKAS 2:14

“Bawipa sinah theitlai hmasa bik hna changvut thawinak nan pek ahcun, nan theitlai hmasa bik hna changvut thawinak caah cun a voi tharmi chungin lakmi, mei in reu i rialmi fang nan pek lai.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

LEVITIKAS 23:31

Rian zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 23:41

Mah puai hi Bawipa ca puai ah kum khat ah ni sarih nan ulh lai; nan tefachin tiangin zungzal ca nawlbia a si; thla sarihnak thla ah nan ulh lai.