LEVITIKAS 22:22 - Lai (Hakha) Common Language Bible 2006

²² A mit a cawmi maw, a ruh a kiakmi maw, a kut ke a rawkmi maw, hma a ngeimi maw, thakpherh a ngeimi maw, a pharmi maw, cu bantuk saṭil hna cu Bawipa nan pechan lai lo, mei in biakṭheng cung i Bawipa sin i thawinak ca zongah nan hmang hna lai lo.

LEVITIKAS 22:22 Խաչաձեւ Հղումներ

LEVITIKAS 22:20

Dotlak lonak a ngeimi thil zeipaoh nan pechan lai lo, zeitintiah an cohlanpiak hna lai lo.

MALAKHI 1:8

a mit a cawmi saṭil kha kan pekchanh ahcun zeihmanh a poi lai lo, a ke a beimi saṭil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai ṭha an pe hna hnga maw, tiah ralkapbu Bawipa nih a chim.

LEVITIKAS 3:5

Cun Aaron fapa hna nih biakṭheng cungah mei cung i thing cung i khangh thawinak sa cungah cun an khangh lai; mei in thawinak, Bawipa caah rimthaw a si.

LEVITIKAS 3:3

Cun daihnak thawinak pekchanhnak chungin, Bawipa sinah mei in thawinak caah, a chungril khuhtu thau le, a kiar vialte le,

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 22:21

Cun ahohmanh nih, daihnak pekchanhmi thil thawinak Bawipa sinah a pekchanh tikah, biakamnak tlinternak ca i a si ah siseh, mah lungthote i pekchanhnak ca i a si ah siseh, cawrun chungin a si ah, tuurun chungin a si ah, cohlan awk dingah cun a tlingmi a si lai; a cungah dotlak lonak zeihmanh a um lai lo.

LEVITIKAS 22:23

Cawtum siseh, tuufa siseh, a kut ke pakhatkhat a sau tuk maw a tawi tuk a ngeimi cu mah lung tho pekchanhmi ahcun nan pek ko lai, sihmanhsehlaw biakamnak thawinak caah cun cohlan khawh a si lai lo.