LEVITIKAS 22:21 - Lai (Hakha) Common Language Bible 2006

²¹ Cun ahohmanh nih, daihnak pekchanhmi thil thawinak Bawipa sinah a pekchanh tikah, biakamnak tlinternak ca i a si ah siseh, mah lungthote i pekchanhnak ca i a si ah siseh, cawrun chungin a si ah, tuurun chungin a si ah, cohlan awk dingah cun a tlingmi a si lai; a cungah dotlak lonak zeihmanh a um lai lo.

LEVITIKAS 22:21 Խաչաձեւ Հղումներ

NAMBAR 15:8

Cun khangh thawinak caah siseh, biakam tlinternak ca i raithawinak caah siseh, Bawipa sin i daihnak thawinak hna caah siseh cawtum na timh tikah,

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

LEVITIKAS 3:6

“A pekchanhmi cu, Bawipa sin i daihnak thawinak pekchanhnak caah, tuurun chungin saṭil pakhat a pa siseh a nu siseh a si ahcun, dotla a si lai.

LEVITIKAS 3:1

“Mi pakhatkhat nih a pekchanhmi cu daihnak thawinak pekchanhnak a si ahcun, cawrun chungin saṭil pakhatkhat, a pa siseh a nu siseh, a pekchanh ahcun, Bawipa hmaiah dotla a pek awk a si lai.

PHUNGTHLÛKBIA 7:14

“Raithawinak pekchanh awk ka ngei i nihin ah hin ka biahrennak ka tlinter cang lai;

SALM 50:14

Pathian sinah lawmhnak chim cu nan raithawinak si seh law Lianngan Bik cu kan in pek lai tiah nan i kammi pekchanh awk vialte kha pechan ko u.

GENESIS 28:20

Cun Jakob nih Bawipa Pathian sinah cun chiatser in biakamnak a tuah i, “Atu ka khualtlawnnak ah hin na ka umpi i na ka huhphenh i rawl le hnipuan na ka pek i

EXODUS 35:29

Bawipa nih Moses sinin nan tuah awk rian a si tiah a chimhmi hna rian ah thawhlawm pek a duhmi Israel mi chung i nu le pa vialte nih cun an thawhlawm cu Bawipa sinah khan an rak put.

LEVITIKAS 22:22

A mit a cawmi maw, a ruh a kiakmi maw, a kut ke a rawkmi maw, hma a ngeimi maw, thakpherh a ngeimi maw, a pharmi maw, cu bantuk saṭil hna cu Bawipa nan pechan lai lo, mei in biakṭheng cung i Bawipa sin i thawinak ca zongah nan hmang hna lai lo.