LEVITIKAS 22:2 - Lai (Hakha) Common Language Bible 2006

² “Aaron le a fapale hna kha, keimah sinah Israel mi hna nih an ka pekmi thil thiang cu hrial hna seh, ka min thiang cu an thurhhnawmh nakhnga lo, tiah chim hna; keimah cu Bawipa ka si.

LEVITIKAS 22:2 Խաչաձեւ Հղումներ

DEUTERONOMI 15:19

“Nan cawrun chung le nan tuurun chung i fater a pa vialte hna cu Bawipa nan Pathian sinah nan pekchanh hna lai; nan cawrun chung i fater a pa hna cu rian ṭuannak ah nan hmang hna lai lo, nan tuurun chung i fater hna zong an hmul nan met hna lai lo.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

NAMBAR 18:32

A ṭha bikmi cu nan pekchanh tikah, sualnak mawhnak cu nan phor lai lo. Cun Israel mi hna thil thiang cu nan thurhhnawmh lai lo, nan thi sual hnga,” tiah a ti.

LEVITIKAS 22:32

Nannih nih ka min thiang kha nan thurhhnawmh lai lo, sihmanhsehlaw Israel mi hna lakah keimah cu thianter ka si lai; keimah cu nannih an thiantertu hna,

LEVITIKAS 19:12

Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

EXODUS 28:38

Aaron nih khan cucu a cal ah a chiah lai i Israel mi nih Bawipa an pekchanhmi thawinak ah khan ṭhat lonak a um sual ahcun, cuticun cu ṭhat lonak cu ngaihthiam a si lai. Cucu Aaron nih khan a cal ah aa ponh zungzal awk a si lai, zeicahtiah cu ti a tuahnak thawng cun Bawipa nih an pekchanhmi kha a cohlanpiak hna lai.

EXODUS 13:12

Kha nan hrin hmasa bik fapa paohpaoh kha nan pek lai; nan saṭil nih a hrin hmasa bik fa a pa paohpaoh cu Bawipa ta an si.

LEVITIKAS 21:6

An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai.

LEVITIKAS 20:3

Cu pa cu ka hmai ka chiathnawh lai i a mi hna lakin ka hlonh lai, a fa pakhat cu ka hmunthiang thurhnawmhter awk le ka min thiang thurhnawmh awkah Molek kha a pek caah, ka hlonh hna lai.

LEVITIKAS 15:31

“Cu bangin Israel mi hna cu an thian lonak in nan fimkanter hna lai, annih lak i a ummi keimah puan biakinn thurternak in an thih sual nakhnga lo,” a ti.

LEVITIKAS 22:1

Cun Bawipa nih Moses a chawnh i,

EZRA 8:28

Cun annih cu ka thawh hna i, “Nannih cu Bawipa caah nan thiang i umkheng zong hi an thiang ve; cun ngun le sui hna cu Bawipa nan pupa hna Pathian ca i mah lungtho tein thawhmi thawhlawm an si.

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

EZEKIEL 44:8

Ka thil thiang hna cu nanmah nih zohkhenh awk nan si nain hi hna tu hi ka hmunthiang zohkhenhtu ah khan nan chiah hna,” a ti.