LEVITIKAS 22:18 - Lai (Hakha) Common Language Bible 2006

¹⁸ “Aaron le a fapa hna le Israel mi vialte kha chim hna. Israel innchungkhar mi ahohmanh nih siseh, Israel mi hna sin i a pemmi nih si hna seh, a pekchanhnak a tuah tikah, biakamnak a tuahmi ca i a pekmi siseh, Bawipa sinah khangh thawinak bantukin pekmi mah lungthote pekchanhnak siseh,

LEVITIKAS 22:18 Խաչաձեւ Հղումներ

DEUTERONOMI 12:6

khika ah nan kal lai i khika ah nan khangh thawinak hna le nan raithawinak hna le nan cheu hra cheu khat hna le nan pekchanhmi pekchanhnak hna le, nan biakamnak pekchanhnak hna le nan mah lungthote pekchanhnak hna le nan saṭil run chung le nan tuurun chung i fater hna cu nan rak put hna lai;

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

LEVITIKAS 1:2

“Israel mi hna sinah cun chim law, annih sinah: Nannih lakah ahohmanh nih Bawipa sinah pekchanhnak nan tuah tikah saṭil pekchanhnak cu cawrun chungin siseh, tuurun chungin siseh, nan rak put lai, ti hna.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

JONAH 2:9

Sihmanhsehlaw kei nih cun nangmah thangṭhatnak kha hla in ka sak lai i Nangmah sinah raithawinak kan pekchanh lai i Ka tuah lai, tiah bia kaa kammi kha ka tuah lai. Teinak cu Bawipa ta a si,” tiah a ti.

JONAH 1:16

Cucaah Bawipa cu lawngcawng pawl nih cun an ṭih i raithawinak kha an pekchanh i a sinah biakamnak kha an tuah.

PHUNGCHIMTU 5:4

Cucaah Pathian sin i bia kamnak na tuah tikah khulrang in cucu zul ko. Pathian nih mihrut cu zeihmanh ah a herh hna lo. Ka tuah lai tiah naa kammi kha va tuah ko.

SALM 116:18

Na mi vialte an i pumhnak, Jerusalem khua na Biakinn tual ah cun, na sinah bia kaa kammi kha kan pek lai. Bawipa cu thangṭhat u!

SALM 116:14

A mi vialte an i pumhnak ah khan bia kaa kammi kha ka pek lai.

SALM 66:13

Na inn ah khangh thawinak kha ka rak put lai; bia kaa kammi kha kan pek lai.

SALM 65:1

Maw Pathian, nang cu kan thlacamnak a kan lettu na si caah

SALM 61:8

Cucaah ni khat hnu ni khat, na sinah bia kaa kammi ka tlinter pah in nangmah thangṭhatnak cu hla in ka sa zungzal lai.

SALM 61:5

Maw Pathian, nangmah nih bia kaa kammi kha na theih i nangmah an upatmi hna ro kha na ka pek.

SALM 56:12

Pathian, na sinah ka rak i kammi kha kan pek lai, thangṭhat thawinak cu kan pek lai,

SALM 22:25

Aa pummi dihlak hmaiah, nangmah cu na tuahmi ruangah kan thangṭhat lai; nangmah nawl zulmi an dihlak hmaiah kaa kammi raithawinak kha kan pekchanh lai.

DEUTERONOMI 16:10

Bawipa nan Pathian nih thluachuah an pek hna ningin nan kut chung chuakmi chungin mah lungtho te pekchanhnak he cun Bawipa nan Pathian caah zarh hna puai cu nan tuah lai;

DEUTERONOMI 12:17

Nan rawl, nan mitsur hang le nan chiti chungin cheu hra cheu khat siseh, nan saṭil run chung le nan tuurun chung i fater si hna seh, bia nan i kammi nan biakamnak pekchanhnak si hna seh, mah lungthote nan pekchanhnak si hna seh, nan pekchanhmi pekchanhnak si hna seh, nanmah nan khua chungah nan ei hna lai lo;

LEVITIKAS 17:13

Israel mi siseh, annih sin i a pemmi khual siseh, ahohmanh nih ram vaihnak ah ei awk a simi sa siseh, va siseh, a hmuhton ahcun a thi kha a zor lai i leidip in a khuh lai.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 7:16

Sihmanhsehlaw a pekchanhmi thawinak cu biakam thawinak siseh, mah lungtho tein thawinak siseh a si ahcun, thawinak a tuah ni ah ei a si lai i a tangmi cu a thaizing zongah ei a si lai,

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

EXODUS 12:5

Cu sa cu a bei lomi, hma zeihmanh a ngei lomi, kum khat a timi a si lai; tuu zong a si ah, meheh zong a si ah, a zeipaoh kha nan i thim khawh lai.

LEVITIKAS 22:17

Cun Bawipa nih Moses cu a chawnh i,

AMOS 4:5

Thilnu cawhmi lawmhnak changreu kha rak pu hna u; Mah lungtho tein pekchanhmi thawhlawm cu pechan u, tiah zapi thanh hna u. Zeicahtiah nannih Israel mi nih nan tuah duhmi tham cu, thil a ningcangte i tuah ceo kha pei a si ko cu! Hihi Bawipa bia hrimhrim a si.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

2 CHANRELNAK 31:14

Cun Levi mi Imnah fapa Kore, nichuahlei kutka cawngtu kha Pathian sinah mah lungtho tein pekmi laksawng zohkhenhtu a si i amah nih cun Bawipa ca i kenretmi le a thiang bik pekchanhnak ca i kenretmi thawhlawm cu a ṭhen awk an si.