LEVITIKAS 20:8 - Lai (Hakha) Common Language Bible 2006

⁸ Ka nawlbia kha ul hna u law, tuah hna u; nannih an thiantertu hna Bawipa cu keimah ka si.

LEVITIKAS 20:8 Խաչաձեւ Հղումներ

EXODUS 31:13

“Israel mi cu, ‘Kaa dinh ni hi nan ulh hrimhrim lai, zeicahtiah hi ni cu nanmah le keimah, cun nan tefa le keimah karlak ah hmelchunhnak a si i cu hmelchunhnak nih a langhtermi cu Bawipa keimah nih nannih cu ka mi ca hrimhrim i kan sermi hna nan si hi a si.

JEIM 1:22

A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.

2 THESALON 2:13

U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau ṭhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

LEVITIKAS 21:8

Amah cu na thianter lai, zeitintiah nan Pathian changreu cu a pechantu a si; nan caah mithianghlim a si lai; zeicahtiah nannih an thiantertu hna Bawipa keimah cu ka thiang.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

MATTHAI 7:24

“Cucaah hi ka bia a thei i a zulmi cu lung cungah a inn a sami mifimpa bantuk a si.

MATTHAI 5:19

Cucaah cun ahohmanh nih nawlbia lak i a hme bik te hmanh kha zul loin a um i midang zong kha cu bantukin a cawnpiak hna ahcun, cu pa cu Vancung Pennak chungah a hme bik a si lai. Cun Nawlbia kha a zul i midang zong kha, cu bantukin zulh awk, tiah a cawnpiakmi hna cu, Vancung Pennak ah mi ngan a si lai.

EZEKIEL 37:28

Miphun dang hna nih khan, Israel mi cu an lakah a zungzal in ka hmunthiang kha a um caah Bawipa nih ka mithiang ah kaa chiah hna, ti kha an hngalh lai, tiah a ti.

EZEKIEL 20:12

Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna.

LEVITIKAS 19:37

Ka nawlbia vialte le ka phunglam vialte kha nan ulh hna lai i nan tuah hna lai: keimah cu Bawipa ka si.”

MATTHAI 23:17

Mitcaw mihrut hna. A zei cu dah a biapi deuh? Sui cu maw asiloah sui a thiantertu Biakinn cu dah?

LEVITIKAS 19:19

“Ka nawlbia kha nan ulh lai. Na saṭil cu phun dangdang he fa na ngeihter hna lai lo; na lo ah thlaici phun hnih na tuh lai lo; thil phun hnih in tahmi puan zong naa aih fawn lai lo.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

LEVITIKAS 22:32

Nannih nih ka min thiang kha nan thurhhnawmh lai lo, sihmanhsehlaw Israel mi hna lakah keimah cu thianter ka si lai; keimah cu nannih an thiantertu hna,