LEVITIKAS 19:33 - Lai (Hakha) Common Language Bible 2006

³³ “Khual pakhatkhat nih nan ram ah an pem hna tikah a cungah ṭhat lonak nan tuah lai lo.

LEVITIKAS 19:33 Խաչաձեւ Հղումներ

EXODUS 23:9

“Ramdang mi kha nan zawmhtaih hna lai lo, nannih zong Izipt ram ah ramdang mi nan rak si caah ramdang mi si cu zei bantuk dah a si ti kha nan hngalh.”

EXODUS 22:21

“Nannih zong kha Izipt ram ah khan ramdang mi nan rak si ve caah, ramdangmi kha nan serhsat hna lai lo i nan hrem fawn hna lai lo.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

JEREMIAH 7:6

ramdangmi le ngakṭah le nuhmei kha dekhleng hna hlah u law hi hmun ah hin a sual lomi thisen kha chuah hlah u law nanmah lila fahnak ding caah pathian dang kha zul hna hlah u.

DEUTERONOMI 24:14

“Rianṭuan na fialmi misifak le mirethei cu, na unau chungmi a si ah, na khuachung i a ummi mipem a si ah, na hrem hna lai lo;

EZEKIEL 22:29

Zapi kha mipuar le mifir an si, vanchiami le sifakmi kha an serhsat hna i ramdangmi cungah ding loin khua an sa i an puar.

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

DEUTERONOMI 24:17

“Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo;

DEUTERONOMI 24:18

sihmanhsehlaw Izipt ram ah sal nan rak si i khika in Bawipa nan Pathian nih an tlanh hna kha nan hngalh camcin lai; cucaah mah hihi tuah awkah nawl kan pek hna.

DEUTERONOMI 27:19

“ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai.

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.