LEVITIKAS 19:26 - Lai (Hakha) Common Language Bible 2006

²⁶ “Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

LEVITIKAS 19:26 Խաչաձեւ Հղումներ

2 SIANGPAHRANG 17:17

Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil ṭhalo tuah awkah khan an i zuar i a thin kha an phawh.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

DEUTERONOMI 12:23

A thi bel kha ei hrimhrim hlah u; zeitintiah thi cu nunnak a si i nunnak cu sa he nan ei lai lo.

LEVITIKAS 7:26

Cu hlei ah zei thi paoh, va thi siseh, saram thi siseh, khuazei nan umnak hmanh ah nan ei lai lo.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

JEREMIAH 10:2

Hi bangin Bawipa nih a ti: Miphun dang hna lam kha i cawn hlah u, Van i hmelchunhnak nan hmuhmi hna ruang zongah khin nan khuaruah har hlah u, Khi bantuk i khuaruah a harmi cu miphun dang hna khi pei an si ko cu.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

DANIEL 2:10

Siangpahrang cu Khaldi mi hna nih cun an thawh i, “Siangpahrang nih hngalh na duhmi hi vawlei cung khuazeihmanh ah a chim khomi an um lai lo. Siangpahrang ahohmanh nih, a ngan bik le a ṭhawng bik hna hmanh nih, hi bantuk ngelcel in mitlehthiam hna le khuachia ṭhawlthiam hna le Khaldi mi hna kha an ti bal hna lo.

1 SAMUEL 15:23

Zeitintiah ralchanh hman hi litin bantukin sual a si ve i, Lungkhon hi ṭhat lo le siasal biak he an i tluk. Nangmah nih Bawipa bia na al cang caah amah zong nih nangmah cu siangpahrang sinak khan an hlawt cang,” tiah a ti.

EXODUS 8:7

Asinain camhthiam pawl zong nih khan utlak cu ram chungah khan an chuahter ve hna.

EXODUS 7:11

Cun Faro nih a mifim le camhthiam pawl kha a auh ve hna i annih zong nih cu bantuk cu an tuah khawh ve.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

GENESIS 9:4

asinain sa kha a chung i thi a um lioah cun nan ei lai lo, zeicahtiah nunnak cu thi cu a si.

GENESIS 44:5

Zeicahdah ka ngun hrai nan fir? Hi hrai hi ka bawipa nih dinnak ah a hmanmi hrai a si i hmailei ah zeidah a tlung lai ti zohnak i a hmanmi a si. Nan tuahmi hi thil ṭhalo ngaingai a si!” na va ti lai,’ tiah a ti.

LEVITIKAS 19:25

Sihmanhsehlaw a kum nganak ah cun an theitlai cu nan ei hna lai, nannih caah tam chin in an tlai nakhnga: keimah cu Bawipa nan Pathian ka si.

DEUTERONOMI 12:16

A thi bel kha nan ei lai lo; vawlei cungah ti bangin nan thlet lai.

DEUTERONOMI 15:23

A thi bel nan ei lai lo; vawlei ah ti bantukin nan thlet lai.

1 SAMUEL 14:32

mi hna nih cun hranchaw kha an zuanhnawh hna i tuu hna le cawtum hna le cawfa hna kha an lak hna i vawlei ah an thah hna i mi nih cun an thisen he an ei chih hna.

1 SAMUEL 14:33

Cun Saul kha an chimh i, “Zohhmanh, mi nih thisen an einak thawng in Bawipa sinah an sual cang,” tiah an ti. Cun anih nih, “Nannih nih hlennak in nan tuah cang; hika ah hin keimah sinah lungpi pakhat in rak hril tuah u,” tiah a ti.