LEVITIKAS 19:16 - Lai (Hakha) Common Language Bible 2006

¹⁶ Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi Bawipa cu ka si.

LEVITIKAS 19:16 Խաչաձեւ Հղումներ

EXODUS 23:1

“Ahmaan lomi thawngpang kha mi sinah nan chim chin lai lo. A sualmipa kha ahmaan lomi tehte sinak in va bawm hlah.

EXODUS 23:7

Ahmaan loin sual i phawtnak kha hrial ko u. A sual lomi kha thih dan pe hlah u, zeicahtiah cu bantuk thil ṭhalo a tuahmi cu keimah nih sual ka phawt hna lai.

PHUNGTHLÛKBIA 20:19

Mi hmursau nih biathli kha a phuan tawn, Cucaah a holh tukmi cu kom hlah.

EZEKIEL 22:9

Jerusalem, nangmah chungah hin bia lanhtu hna nih thisen chuahnak ding caah khan rian an ṭuan i nangmah chungah hin khuahrumbo rawl danghnak i rawl a eimi hna le zuanzamnak a tuahmi hna kha an um.

JEREMIAH 9:4

Ahohmanh nan innpa kha i ralring cio hna u, nan unau kha zum hna hlah u; Zeicahtiah unau nih unau kha hlen a si i hawikom nih hawikom kha congoih a si.

JEREMIAH 6:28

An dihlak in midohhmang, milungkhong, Mi congoih i a vak lengmangmi an si.

PHUNGTHLÛKBIA 11:13

Aa chawk lengmangmi mihmursau cu biathli phuan hmangmi an si, sihmanhsehlaw zumh awk tlak a simi nih cun thil kha a lung chungah a thuh hna.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

SALM 15:3

mi congoih a hmang lo i hawikom cungah ṭhat lonak a tuah lo i a innpa a congoih lo i

EXODUS 20:16

“Nan minung hawi cungah tehte dinglo nan si lai lo.

TITAS 2:3

Nutar deuh pawl kha, nan umtuning ah mi hmaizah a thiammi nan si awk a si, na ti hna lai. Mi congoih hmangmi le mizuram an si awk a si lo.

2TIMOTE 3:3

zaangfahnak an ngei lai lo, mi zawnruahnak an ngei lai lo, mi thangchiat duhmi an si lai, ruru-hranghrang in khua a sami an si lai i ṭih a nungmi an si lai; ṭhatnak kha an huat lai;

1TIMOTE 3:11

An nupile zong ziaza ṭhami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai.

MATTHAI 27:4

“A sual lomi thihnak ka phakter kha ka sual,” tiah a ti. Sihmanhsehlaw annih nih cun an rak thawh i, “Cucu kan zeidah a poi? Nangmah nih naa tuahnak in vaa tuah ko,” tiah an rak leh.

DEUTERONOMI 27:25

“ ‘A sual lomi thah awkah ziknawh a lami cu chiat seh,’ tiah an thanh lai. Cun mi vialte nih, ‘Amen’ an ti lai.

JOB 17:5

Phungthluk bia hlun ah, mi pakhatkhat nih tangka ruangah a hawipa kha a rawi ahcun, A fale mit kha a caw lai, ti a si.

1 SAMUEL 24:10

Zohhmanh, zeitintiah Bawipa nih nangmah cu nihin ah, lungkua ah khan, keimah kut chung i an pek kha, nangmah mit nih nihin hrimhrim ah a hmuh cang; mi cheu nih cun nangmah thah awk kha an ka fial, sihmanhsehlaw keimah nih kan zuah. ‘Ka bawipa cu Bawipa chiti thuhmi a si caah a cungah ka kut ka samh lai lo,’ tiah ka ti.

SALM 50:20

Nanmah nan unau congoih kha nan i tim zungzal, midang sual kawl lawng kha nan duh.

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

PHUNGTHLÛKBIA 10:18

Huatnak a paw chungah a thupmi nih a hmur in lih a chim, hawi thangchiatnak a chimmi cu mihrut an si.