LEVITIKAS 18:16 - Lai (Hakha) Common Language Bible 2006

¹⁶ Na unau nupi pumlawnnak kha na hlim lai lo, amah cu na unau i pumlawnnak a si.

LEVITIKAS 18:16 Խաչաձեւ Հղումներ

DEUTERONOMI 25:5

“Unau hna nih hmunkhat ah an um i pakhatkhat cu a thih i fapa a ngeih lo ahcun, a thi mipa nupi cu an chungkhar leng midang he ṭhit umter awk a si lai lo; a va unau nih cun a ihpi lai i a nupi ah a lak lai i vale unau rian a simi kha amah cungah cun a tuah lai.

LEVITIKAS 20:21

Mipa pakhatkhat nih amah unau nupi kha a lak ahcun, mah cucu thianlo a si; amah unau pumlawnnak kha a hlim, fa ngei loin an um lai.

MARKA 12:19

An i thawh i, “Saya, Moses nih phung a kan ṭialpiakmi ah: Mipa pakhatkhat cu fa ngei loin a thih ahcun fa a hrinpiak nakhnga a unau nih khan a rohmi a nupi cu a ṭhit awk a si lai, ti a si.

MATTHAI 22:24

An i thawh i, “Saya, Moses nih a kan cawnpiakning ah: ‘Mipa pakhat khat cu fa ngei loin a thih ahcun, a unau nih a nupi ro cu a ṭhit hrimhrim awk a si lai i an fale cu mithipa fale kha an si lai,’ tiah ti a si.

LUKA 3:19

Sihmanhsehlaw uktu bawi Herod nih khan a nau nupi Herodias kha a ṭhit caah le thil dang a ṭha lomi tampi a tuah caah amah cu Johan nih khan a sik i

MARKA 6:17

Herod hrimhrim nih khan Johan cu nan tlaih lai i nan khih lai i thong ah nan thlak lai, tiah a rak ti hna. Herod nih hi thil a tuahnak cu Herodias kha a nau Filip nupi a si nain nupi ah aa ṭhit caah a si.