LEVITIKAS 12:3 - Lai (Hakha) Common Language Bible 2006

³ Cun a ni riat ni ah a cuarpar tan a si lai.

LEVITIKAS 12:3 Խաչաձեւ Հղումներ

LUKA 2:21

Cu hnu zarh khat ah, ngakchia cu cuarpartan caan a phak tikah khan, a min ah Jesuh an sak — cu min cu a nu nih a pawi hlan i vancungmi nih a rak sak cangmi kha a si.

LUKA 1:59

Ngakchiate cu zarh khat a hung ti ah khin a cuarpar tan awkah an kalpi; annih nih a pa min Zekhariah in kan auh lai, tiah an ti.

KOLOSE 2:11

Amah he nan i pehtlaihnak ah hin nannih cu cuarpartannak kha nan hmu, minung tuahmi cuarpartannak kha si loin Khrih cuarpartannak hrimhrim kha nan hmu i cucu hi a sualmi kan pum chungin luatnak kha a si.

FILIPI 3:5

zarh khat ka si ah cuarpartan ka si, chuahkehnak lei in Israel mi, Benjamin phun, Hebru mithiang ka si; Judah mi Nawlbia zulhnak leiah Farasi ka si i

GALATI 5:3

Cuarpar aa tanmi nih cun Nawlbia kha a ning piin a zulh lawlaw awk a si ti kha aho nan si hmanh ah hngalhter ṭhan kan duh hna.

GALATI 3:17

Ka chim duhmi cu hihi a si: Pathian nih biakamnak cu a tuah i cu biakam cu zulh awkah bia aa kam. Cu hnu kum za li le sawm thum ah Nawlbia kha a hung um i cu nih cun biakamnak cu a hrawk kho lo; Pathian biakamhmi cu pakpalawng zongah a canter kho lo.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

EXODUS 22:30

Cun nan caw fater hna le nan tuu fater hna zong kha nan ka pek lai; fater a simi cu pa a si ahcun a nu sinah ni sarih tiang a um lai i ni riat ni ah ka sinah nan ka pekchanh lai.

LEVITIKAS 12:4

Cun thisen ruangah cun i thianh lengmang in ni sawm thum le ni thum a um rih awk a si lai; aa thianhnak ni a tlin hlan lo cu thil thiang zeihmanh a tawng lai lo, hmunthiang chung zongah a lut lai lo.

LEVITIKAS 15:3

Mah hihi thil chuakmi ruang i a thian lonak ca i phunglam cu a si: a pum chung cun a chuah camcin ah siseh, a chuah cu a pih ah siseh, amah chungah thian lonak a si ko.