LEVITIKAS 11:2 - Lai (Hakha) Common Language Bible 2006

² “Israel mi hna sinah va chim tuah u, vawlei cung i a ummi saram vialte lakah mah hna hi a nungmi thil nan ei awk cu an si lai.

LEVITIKAS 11:2 Խաչաձեւ Հղումներ

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

MATTHAI 15:11

Mi cu a kaa chung i a lutmi nih a thurter lo, sihmanhsehlaw a kaa chungin a chuakmi tu nih hin a thurter,” a ti hna.

LEVITIKAS 11:11

Nannih caah fihnung an si zungzal lai; an sa nan ei lai lo i an ruak cu fihnung ah nan rel hna lai.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

DANIEL 1:8

Daniel nih cun siangpahrang nih a ka pekmi rawl le zu hin kaa thurhhnawmh hrimhrim lai lo a ti i tilditmi bawi bik cu, cu bantuk cu ka tuahter hlah, tiah a nawl.

EZEKIEL 4:14

Sihmanhsehlaw kei nih kaa thawh i, “Maw Bawipa Pathian, zeitikhmanh ah kaa thurhhnawmh bal lo, amah tein a thimi maw, sa nih a sehmi maw, zeitikhmanh ah ka ei bal lo; sa thurhnawm ka kaa chungah a lut bal lo,” tiah ka ti.

LEVITIKAS 11:39

“Cun nan eimi saram zeipaoh a thih ahcun, a ruak a tawngtu paoh cu zanlei tiang thianglo a si lai,

LEVITIKAS 11:34

Cu um chung i ei awk a ummi zei rawl paoh, ti nih a ciahmi paoh cu, thianglo a si lai; cun cu bantuk um paohpaoh chung i din awk thil vialte cu thianglo an si lai.

LEVITIKAS 11:29

“Cun vawlei ah a lawn in a lawnmi hna lakah mah hna hi nan ca i thianglo an si: zuhri, zu, kinglang ngan phun kip,

LEVITIKAS 11:21

Sihmanhsehlaw thla ngeimi buṭit-khaubawk ke pali in a kalmi lakah a keṭeng cung i vawlei i pernak ca i ke a ngeimi cu nan ei lai.

LEVITIKAS 11:13

“Cun, va hna lakah mah hna hi fihnung ah nan rel awk an si lai, nan ei hna lai lo, fihnung an si: muvanlai, tettet, mu-ar-cawi,

LEVITIKAS 11:9

“Ti chung i a ummi thil vialte lakah mah hna hi nan ei lai. Rili chungah siseh, tiva chungah siseh, ti chung i a ummi, ṭeh le phokphawher a ngeimi thil paohpaoh cu nan ei hna lai.

LEVITIKAS 11:4

Asinain rawlret khaimi lakah siseh, tin ṭemi lakah siseh, mah hna hi cu nan ei lai lo: kalauk, rawlret cu a khai nain a tin a ṭet lo caah nannih caah a thianglo a si.

LEVITIKAS 11:1

Cun Bawipa nih Moses le Aaron sinah,

LEVITIKAS 11:3

Saram lakah a tin a ṭe i aa ṭhen i rawlret a khaimi cu nan ei lai.