LEVITIKAS 1:3 - Lai (Hakha) Common Language Bible 2006

³ “A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

LEVITIKAS 1:3 Խաչաձեւ Հղումներ

DEUTERONOMI 15:21

Sihmanhsehlaw do a tlak lo ahcun, a bei ah siseh, a mit a cawt ah siseh, a fakmi dotlak lonak zeipaoh a ngeih ahcun Bawipa nan Pathian sinah nan thawi lai lo.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

EXODUS 12:5

Cu sa cu a bei lomi, hma zeihmanh a ngei lomi, kum khat a timi a si lai; tuu zong a si ah, meheh zong a si ah, a zeipaoh kha nan i thim khawh lai.

EFESA 5:27

Cu ti a tuah cu khrihfabu kha i dawhte le thiangte le soi awk zeihmanh um lo le dawh lonak le sawngkornak zeihmanh um lo le tlin lonak dang zeihmanh um loin amah sin lila ah khan pek a duh caah a si.

DEUTERONOMI 17:1

“Bawipa nan Pathian sinah cawtum siseh tuu siseh dotla lo le tlin lonak zeihmanh a ngeimi paoh cu raithawinak ah nan hmang lai lo, zeitintiah mah cucu Bawipa nan Pathian caah fihnung a si.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

GENESIS 22:8

Abraham nih cun, “Pathian nih a khan te ko lai, ka fapa,” tiah a leh i cuticun an pahnih cun hmunkhat ah an kal lengmang.

JOHAN 1:36

Johan nih cun a hei zoh i, “Pathian Tuufa khi zohhmanh u,” tiah a ti.

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

EZEKIEL 20:40

Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an ṭuan lai, tiah Bawipa Pathian nih a ti. Khika ah khan ka cohlan hna lai i khika ah khan nan laksawng le nan pekchanhmi thil chung i a ṭha bikbik hna le a thiangmi nan thawhlawm vialte he khan ka pe u, tiah kan hal hna lai.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 40:8

Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,” tiah kan leh.

NAMBAR 29:13

mei in pekchanhmi khangh thawinak Bawipa ca i rimthaw cu nan pekchanh lai, cawtum no hleithum, tuukawng pahnih, kum khat a timi tuufa a pa hleili; dotla an si lai;

LEVITIKAS 3:1

“Mi pakhatkhat nih a pekchanhmi cu daihnak thawinak pekchanhnak a si ahcun, cawrun chungin saṭil pakhatkhat, a pa siseh a nu siseh, a pekchanh ahcun, Bawipa hmaiah dotla a pek awk a si lai.

EXODUS 24:5

Cun Israel mi tlangval kha a thlah hna i khangh thawinak kha an tuah i hawikomhnak thawinak caah Bawipa kha cawtum an thahpiak.

GENESIS 22:13

Abraham cu khua a hei hoi i tuukawng pakhat burbuk lak i a ki in a rak taan ko kha a hmuh. A hei fuh i a va lak i a fapa can ah khanghthawinak ah cun a thawi.

JOHAN 10:9

Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

ISAIAH 1:11

Pathian nih cun, “Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭil ṭha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang.

EXODUS 32:6

A thaizing zingkate ah cun khangh thawinak sa kha an thawi hna i hawikomhnak thawinak caah saṭil kha an rak put hna. Mi zapi cu ei awk le din awkah an ṭhu i i nuam ngaiin an um.

EXODUS 29:42

Hi khangh thawinak hi a zungzal in, nan tefa hna chan vialte tiangin pumhnak thlam innka ah, Bawipa ka hmaika ah, nan tuah zungzal awk a si lai. Hika hmun hi ka mi ka ton hnanak hmun le nan sinah bia ka chimnak hmun a si lai.

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

GENESIS 8:20

Noah nih Bawipa caah biakṭheng pakhat a ser; saram thiang pawl le va chung khan phun khat ah pakhat cio a lak hna i khangh thawinak caah biakṭheng cungah cun a khangh hna.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

JOHAN 10:7

Cucaah Jesuh nih annih cu a thawh ṭhan hna i, “Biatak kan chimh hna: Tuu luhnak kutka cu keimah hi ka si.

LEVITIKAS 17:9

Bawipa sin i thawi awkah tonnak thlam innka ah a ratpi lomi cu, cu pa cu a mi hna sinin hlonh a si lai, na ti lai.

LEVITIKAS 4:23

cu sualnak a tuahmi cu a hngalh ahcun, aa thawinak caah meheh pakhat, a pa dotla, a rak put lai.

EXODUS 35:5

Bawipa sinah thawhlawm nan pek lai. Cu bantukin tuah a duhmi nih cun hi thawhlawm hi nan pek lai: sui, ngun, dar,

EXODUS 29:4

“Aaron le a fapa hna kha pumhnak thlam innka ah khan nan ratpi hna lai i khika ah an i kholh lai.

LEVITIKAS 17:4

Bawipa puan biakinn hmaiah Bawipa sin i laksawng caah tonnak thlam innka ah a rak put lo ahcun, cu pa cungah cun thisen chuah mawhnak khinh a si lai; thisen a chuah hrimhrim ko; cu pa cu a mi hna sinin hlonh a si lai.

LEVITIKAS 16:7

Cu hnuah cun meheh pahnih kha a lak hna lai i Bawipa hmaiah tonnak thlam innka ah cun a chiah hna lai;

LEVITIKAS 8:21

Cun a chungril le a ke hna cu ti in a ṭawl hna i Moses nih tuukawng cu a pum in biakṭheng cungah khangh thawinak caah, rimthaw Bawipa sin i mei in thawinak caah, a khangh, Bawipa nih Moses nawl a pek bang khan.

LEVITIKAS 8:18

Cun khangh thawinak tuukawng kha a hun pek; Aaron le a fapa hna nih tuukawng lu cungah cun an kut an chuan.

LEVITIKAS 7:16

Sihmanhsehlaw a pekchanhmi thawinak cu biakam thawinak siseh, mah lungtho tein thawinak siseh a si ahcun, thawinak a tuah ni ah ei a si lai i a tangmi cu a thaizing zongah ei a si lai,

EXODUS 38:1

Khanghthawinak ca biakṭheng cu anri thing in a ser. Tungvangpalh a si, pe sarih le a cheu a sau i pe sarih le a cheu a kau, cun pe li le a cheu a sang.

EXODUS 36:3

Israel mi nih biakinn saknak caah an thawhmi thawhlawm vialte cu Moses nih khan a pek hna. Israel mi nih khan an thawhlawm cu zingfate in Moses sinah khan an rak put lengmang.

EXODUS 35:29

Bawipa nih Moses sinin nan tuah awk rian a si tiah a chimhmi hna rian ah thawhlawm pek a duhmi Israel mi chung i nu le pa vialte nih cun an thawhlawm cu Bawipa sinah khan an rak put.

EXODUS 35:21

Cu bantukin tuah a duhmi paoh nih khan pumhnak thlam caah Bawipa sinah thawhlawm an rak put, rianṭuannak caah a herhmi thil vialte le puan thiang sernak caah a herhmi thil vialte kha an rak put hna.

DEUTERONOMI 12:27

cun nan khangh thawinak hna, sa le thi cu, Bawipa nan Pathian biakṭheng cungah nan pekchanh hna lai; Bawipa nan Pathian biakṭheng cungah nan raithawinak hna thi cu nan thlet lai, sihmanhsehlaw a sa cu nan ei lai.

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

LEVITIKAS 4:15

Cun an bu chung upa hna nih cawtum lu ah cun Bawipa hmaika ah an kut an chuan lai i cawtum cu Bawipa hmaika ah an thah lai.

LEVITIKAS 6:8

Bawipa nih Moses sinah hi bangin a ti,

LEVITIKAS 17:8

“Cun annih sinah, Israel inn-chungkhar chungmi siseh, annih lak i a pemmi siseh, ahohmanh khangh thawinak siseh, raithawinak siseh, a tuah i

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

NAMBAR 15:8

Cun khangh thawinak caah siseh, biakam tlinternak ca i raithawinak caah siseh, Bawipa sin i daihnak thawinak hna caah siseh cawtum na timh tikah,

EZEKIEL 40:39

Kutka innleng ah cun a kam veve ah cabuai pahnih an um i cuka ah cun pumpek thawinak le sual thawinak le phungbuar thawinak kha an thah hna.

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 4:32

“Sual thawinak ca i a pekchanhmi ah tuufa a rak put ahcun, a nu dotla a rak put lai i

LEVITIKAS 5:15

“Ahohmanh nih phung a buar i Bawipa thil a thiangmi pakhatkhat cungah hngalh loin a sual ahcun, Bawipa sin i phungbuar thawinak caah tuurun chungin tuukawng pakhat dotla a rak put lai; hmunthiang i shekel ning khan ngun shekel zeizat man a si kha na tuak lai; mah cucu phungbuar thawinak a si.

LEVITIKAS 5:18

Tuurun chungin tlangbawi sinah tuukawng pakhat dotla, nangmah nih phungbuar thawinak caah a man a za na timi a rak put lai i tlangbawi nih remnak, hngalh loin a tuahmi a palhnak caah khan, a serpiak lai i ngaihthiam a si lai.

LEVITIKAS 6:2

“Ahohmanh nih, a innpa kha chawva kennak kong ah siseh ṭilva zohkhenhnak kong ah siseh a hlen i, ramhnak in siseh, a innpa kha hremnak in siseh,

LEVITIKAS 9:2

Aaron sinah, “Cawtum no pakhat in sual thawinak caah, cun khangh thawinak caah tuukawng pakhat, dotla veve, la hna law, Bawipa hmaiah thawi hna.

LEVITIKAS 14:10

“Cun ni riat ni ah do a tlami tuufa a pa pahnih le tuufa a nu pakhat kum khat a simi do a tlami le changvut thawinak i changvut dip ephah cheu hra cheu thum chiti he cawhmi le chiti thawl khat a lak lai.

LEVITIKAS 23:12

Cun faphal nan hninh ni ah cun tuufa dotla, a pa, kum khat a timi Bawipa sin i khangh thawinak caah nan thawi lai.

LEVITIKAS 23:18

Cun changreu he cun dotla tuufa pasarih kum khat cio a timi le cawtum no pakhat le tuukawng pahnih nan pek lai; Bawipa caah khangh thawinak an si lai, an changvut thawinak le thlet thawinak hna he cun, Bawipa ca i rimthaw mei in thawinak a si lai.

NAMBAR 19:2

“Mah hihi Bawipa pekmi phungbia i a nawlbia cu a si: Israel mi kha nannih sinah cawla sen, soi awk zeihmanh a ngei lo i do a tlami, hngawngkual hlinh bal lomi cu, rak pu hna seh tiah chim hna u.

NAMBAR 28:11

“Cun nan thla a det tik paoh ah Bawipa sinah khangh thawinak nan pekchanh lai: cawtum no pahnih, tuukawng pakhat, kum khat a timi tuufa dotla a pa pasarih:

NAMBAR 28:19

sihmanhsehlaw Bawipa sin i khangh thawinak mei in thawinak cu nan pekchanh lai; cawtum no pahnih, tuukawng pakhat, kum khat a timi tuufa a pa pasarih an si lai; dotla an si kha ṭha tein zoh hna u;

NAMBAR 28:31

Tlaihlan khangh thawinak le a changvut thawinak hleiah khan mah hihi an thlet thawinak he nan thawi hna lai. Dotla an si kha ṭha tein zoh hna u.

NAMBAR 29:2

khangh thawinak, Bawipa ca rimthaw cu, nan pekchanh lai: cawtum no pakhat, tuukawng pakhat, kum khat a timi tuufa dotla a pa pasarih;

2 CHANRELNAK 29:32

Aa pummi nih khangh thawinak an rak putmi cu cawtum sawm sarih, tuukawng za khat le tuufa za hnih an si; mah vialte hi Bawipa sin i khangh thawinak caah a si.

2 CHANRELNAK 35:12

Moses cauk chungah aa ṭial bangin, Bawipa sin i pekchanh awkah, mi sawhsawh pawl cu an pale innchungkhar ning in ṭhenmi bu ning khan phawt cio awkah, khangh thawinak hna kha cu a dang tein an chiah hna. Cu bantuk ṭhiamṭhiam in cawtum zong kha an tuah hna.