LAMKALTU 9:21 - Lai (Hakha) Common Language Bible 2006

²¹ A bia a theimi paoh cu an khuaruah a har i, “Hi pa hi Jerusalem khua i Bawi Jesuh min a komi paoh a that i hika zongah hin cu bantuk ṭhiamṭhiam in annih kha tlaih i tlangbawi upa hna sinah kalpi awkah a ramipa kha a si lo maw?” an ti.

Laibaibal Thiang (BSI)

²¹ A theitu hna nih, “Hi pa hi Jerusalem khua i hi min hlamtu hna a serhsattu kha a si lo mei? Cu mi hna cu ṭem buin tlângbawi hna sin i hruai awkah hi khua ah a ra a si lo maw?” tiah an ti i mak an ti ngai ngai.

LAMKALTU 9:21 Խաչաձեւ Հղումներ

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

LAMKALTU 4:13

Biaceihtu hna nih Peter le Johan cu an ralṭhatning kha an hmuh i fimthiamnak zeihmanh a ngei lomi, mi sawhsawh an si ko ti kha an hngalh tikah an khuaruah a har. Khi tikah annih cu Jesuh hawikom an rak si ti kha an hun hngalh.

LAMKALTU 3:10

cun amah cu Kutka Dawh i a ṭhu tawnmi awkhlawhpa a si kha an hngalh tikah a cung i a tlungmi kongah khan an khuaruah a har i an lung zong a ar dih.

LAMKALTU 2:12

Khuaruahhar le lung-ar in, “Mah hihi a sullam zeidah a si hnga?” tiah pakhat le pakhat an i hal lengmang.

LAMKALTU 2:6

Cu thawng cu an theih tikah mi tampi an i pum. A zummi hna an holh tikah khan midang aa pum vemi hna nih khan kanmah holh in an holh, tiin an rak theih cio tikah khan an khuaruah a har ngaingai.

ZEKHARIAH 3:8

Tlangbawi Ngan Joshua, ngai hmanh, nangmah le na hmaiah a ṭhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai.

ISAIAH 8:18

Zohhmanh, keimah le Bawipa nih a ka pekmi ka fale hi Zion Tlang i a ummi Ralkapbu Bawipa sinin a rami Israel mi caah hmelchunhnak le chingchiahnak kan si.

SALM 71:7

Ka nunnak hi mi tampi caah cun khuaruahhar a si, sihmanhsehlaw nangmah cu a ṭhawngmi a ka hupphengtu na si.

SALM 51:13

Cu tikah misual mi kha na nawlbia cu ka cawnpiak hna lai i nangmah leiah an i mer ṭhan lai.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

LAMKALTU 9:22

Sihmanhsehlaw Saul phungchimmi cu a ṭhawng chin lengmang i Jesuh cu Messiah a si tiah a chim khawhnak kha mi lung a fianter tuk caah Damaskas khua i a ummi Judah mi hna nih khan an let kho lo.