LAMKALTU 9:14 - Lai (Hakha) Common Language Bible 2006

¹⁴ Cun Damaskas khua i a rat zongah hin na min an komi hna paoh kha tlaih awkah tlangbawi upa hna sin in nawlngeihnak ca a run i phorh fawn,” tiah a ti.

Laibaibal Thiang (BSI)

¹⁴ Hika zongah na min a hlammi hna a ṭem khawh hna nâkhnga tlângbawi ngan hna sinin nawlngeihnâk a hmuh cang,” tiah a ti.

LAMKALTU 9:14 Խաչաձեւ Հղումներ

LAMKALTU 9:21

A bia a theimi paoh cu an khuaruah a har i, “Hi pa hi Jerusalem khua i Bawi Jesuh min a komi paoh a that i hika zongah hin cu bantuk ṭhiamṭhiam in annih kha tlaih i tlangbawi upa hna sinah kalpi awkah a ramipa kha a si lo maw?” an ti.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

LAMKALTU 22:16

Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.

JOHAN 15:21

Sihmanhsehlaw hi vialte cu keimah mi nan si ruangah nan cungah an tuah lai; zeicahtiah a ka thlahtu kha an hngal lo.