LAMKALTU 8:39 - Lai (Hakha) Common Language Bible 2006

³⁹ Ti chungin an hung chuah tikah Bawipa Thlarau nih Filip cu lo diam in a lak. Kha bawi nih khan a hmu ṭhan ti lo, sihmanhsehlaw lunglawm ngaiin a kal.

Laibaibal Thiang (BSI)

³⁹ Cun ti chungin an chuah tikah Bawipa Thlarau nih Filip cu lodiam a lâk. Tildih pa nih a hmu kho ti lo, asinain lunglawm ngai in a kal.

LAMKALTU 8:39 Խաչաձեւ Հղումներ

1 SIANGPAHRANG 18:12

Nangmah sinin ka kal cangka, Bawipa thlarau nih ka hngalh lomi hmun ah an kalpi lai i cucaah ka rat i Ahab kha ka chimh i an hmuh khawh lo tikah, a ka thah lai, keimah na salpa nih hin ka tlanval lio in Bawipa cu ka upat ko dahkaw.

2 SIANGPAHRANG 2:16

Cun annih nih amah cu, “Zohhmanh, na sal hna kan sinah hin miṭhawng pa sawm nga an um; va kal hna seh law na bawipa kha va kawl hna seh tiah kan in nawl; amah cu Pathian thlarau nih a cawi i tlang pakhatkhat cungah maw, a si lo ah, nel pakhat khat cungah dik a thlak a si ko hnga dah kaw,” tiah an ti. Cun anih nih, “Nan thlah hna hnga lo,” tiah a ti.

EZEKIEL 11:24

Cun thlarau nih a ka cawi i Khaldia-ram i saltangmi hna sinah khan a ka kalpi. Hi thil vialte hi Pathian nih a run thlahmi langhnak khan a rami a si i ka hmuhmi langhnak nih cun a ka kaltak.

EZEKIEL 8:3

Kut bantuk a simi khi a hun samh i ka calsam in a ka tlaih. Thlarau nih van le vawlei karah a ka cawi i Pathian langhnak in Jerusalem ah a ka kalpi i chaklei hoihmi chungchin kutka luhnak ah khan a ka chiah; khika ah cun Hornak Siasal kha a um i cucu hornak lungthin thawhternak caah a si.

EZEKIEL 43:5

Thlarau nih a ka cawi i chunglei tual ah khan a ka chiah i Bawipa sunparnak cu biakinn cu a khat.

EZEKIEL 11:1

Thlarau nih a ka cawi i Bawipa inn, nichuahlei kutka ah khan a ka chiah; nichuahlei a hoihmi kutka ah khan. A innka pawngah khan minung kul le panga an um i an lakah cun bawi ngan pahnih ka hmuh hna, annih cu Azzur fapa Jaazaniah le Benaiah fapa Pelatiah kha an si.

MARKA 1:10

Ti chungin a hung thawh dih kate ah khan, van kha aa cheu i Thlarau cu ṭhuro bantukin a cung i a run i fut kha Jesuh nih cun a hmuh.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

JEIM 4:16

Sihmanhsehlaw na lung a puam i naa porhlaw; cu bantuk porhlawtnak vialte cu ahmaan lomi thil a si.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

ROM 5:2

Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

LAMKALTU 13:52

Antiok khua i a ummi zultu hna cu lunglawmhnak le Thiang Thlarau in an khat.

LAMKALTU 8:8

Cucaah Samaria ah cun lawmhnak nganpi a um.

MATTHAI 13:44

“Vancung pennak cu lo chung i thuhmi rothil bantuk a si. Mi pakhatkhat nih a vaa hmuh sual tikah a khuh ṭhan ta tawn. A lung aa lawmh tuk caah a ngeihmi thil vialte kha a zuarh hna i a va kal ṭhan i a lo ning in a va cawk,” tiah a ti.

MATTHAI 3:16

Tipilnak a in dih cangka cun Jesuh cu ti chung cun a chuak. Van kha aa hung i Pathian Thlarau cu ṭhuro bantukin a rung zuan i a cung i aa fut kha a hmuh.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 119:14

Chawva tampi ngeih nakin na nawlbia zulh cu ka duh deuh.

LAMKALTU 16:34

Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.

EZEKIEL 37:1

Bawipa kut cu ka cungah a phan i a thlarau in a ka kalpi i ruh in a khatmi nel pakhat ah a ka chiah.

LAMKALTU 8:29

Thiang Thlarau nih Filip cu a thawh i, “Va kal law khi rangleng khi va naih tuah,” tiah a ti.

LAMKALTU 8:38

Cu bawi nih cun rangleng cu a dirter i an pahnih cun ti chungah khan an vung kal i Filip nih tipilnak cu a pek.