LAMKALTU 8:22 - Lai (Hakha) Common Language Bible 2006

²² Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

Laibaibal Thiang (BSI)

²² Cucaah hi na suahsualnâk hi i ngaichih law na lungthin ruahnâk ṭhalo hi ngaihthiam na si khawh nâkhnga Pathian sinah thla cam.

LAMKALTU 8:22 Խաչաձեւ Հղումներ

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 9:11

Bawipa nih cun a thawh i, “I tim law Lam Ding timi ah khan va kal law Judas inn ah khan Tarsas khuami pakhat Saul an timi cu a um maw um lo tiah va hal hna. Amah cu thla a cam lio a si i

BIAPHUAN 2:21

Lungthlennak caan kha ka pek ko, sihmanhsehlaw a horduhcuainak lam khan i let ṭhan a duh lo.

LAMKALTU 8:20

Sihmanhsehlaw Peter nih cun a leh i, “Pathian laksawng cu phaisa in ka cawk khawh lai tiah na ruah ruangah hin nangmah le na phaisa cu hell ah va tla ko u!

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

AMOS 5:6

Nun nan duh ahcun Bawipa sinah ra u, Cu ti a si lo ahcun Josef kha mei bantukin a kangh lai, Bethel kha ahohmanh a hmihpiaktu um loin a kangh lai.

PHUNGTHLÛKBIA 24:9

Mihrut nih khua an khanmi cu sualnak kha a si tawn i mi nihsawh a hmangmi cu huatnak kha an tong zungzal.