LAMKALTU 7:51 - Lai (Hakha) Common Language Bible 2006

⁵¹ “Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

Laibaibal Thiang (BSI)

⁵¹ “Mi lungkhong, lungthin le hnakhaw cuarpar tan lomi hna! Thiang Thlarau hi nan ralchanh zungzal ko lai maw; nan pupa hna tuah bantukin nan tuah ve a si hih.

LAMKALTU 7:51 Խաչաձեւ Հղումներ

DEUTERONOMI 10:16

Cucaah nan lung cuarpar cu tan u law, lungkhong si ti hlah u.

LEVITIKAS 26:41

cu ruang i anmah ralchanh in ka kal i an ral hna ram chung i ka luhpinak hna cu an i phuan i cuarpar tan lo an lung cu a nem i an ṭhat lonak kha an i remh ahcun;

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

ISAIAH 63:10

Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.

EXODUS 33:5

Bawipa nih Moses cu, “Israel mi cu, ‘Nannih cu milungṭhawng nan si. Nan sinah tlawmte hmanh ka kal ahcun kan hrawh dih sual hna lai. Cucaah nan hlawn kha i phoih u law cu tikah nan cung i ka tuah khawhmi kha zeidah a si ti kha ka hngalh lai,’ a ti tiah chim hna,” a ti.

EXODUS 32:9

Bawipa nih Moses cu a thawh i, “Hi mi cu ka hngalhmi hna an si, milungṭhawng an si.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

LAMKALTU 6:10

Sihmanhsehlaw Thlarau nih Steven cu fimnak kha a pek caah bia a chim tikah an tei kho lo.

JEREMIAH 6:10

Cun kei nih ka leh i, “Aho nih dah ka chawnh hna le ralrinnak ka pek hna tikah ka bia an ngaih duh lai? Annih nih an hna an i phih cang i an ngai bal lai lo. Na bia cu ngaih an duh lo i na chimmi cu nihchuak ah an rel.

SALM 78:8

Annih cu a hringsortu hna bantuk kha an si lai lo, kha hna kha cu ralthawh hmang, nawl ngai lomi, Pathian fek tein aa bochan lomi, Pathian sinah zumhawktlak in a um bal lomi an si.

KOLOSE 2:11

Amah he nan i pehtlaihnak ah hin nannih cu cuarpartannak kha nan hmu, minung tuahmi cuarpartannak kha si loin Khrih cuarpartannak hrimhrim kha nan hmu i cucu hi a sualmi kan pum chungin luatnak kha a si.

ROM 2:25

Nawlbia cu nan ngaih ahcun, nan cuarpar tannak cu san a tlai, sihmanhsehlaw nan ngaih ṭung lo ahcun i tan lo lawlaw in rak um u law a ṭha deuh hnga.

LAMKALTU 7:39

“Sihmanhsehlaw kan pu le kan pa hna nih khan an hlawt i Izipt ram i vung kir ṭhan tu kha an duh deuh.

LAMKALTU 7:27

Sihmanhsehlaw a sual deuhpa nih khan Moses cu a nam i, “Aho nih dah nangmah cu kan cung i uktu bawi ah an in ser?

LAMKALTU 7:9

“Kan pupa hna nih cun Josef kha an nahchuah i Izipt ram i sal vung si awkah an zuarh. Sihmanhsehlaw Pathian nih a umpi i

EZEKIEL 44:9

Mah hihi Bawipa Pathian bia an si: Ramdangmi ahohmanh, lungthin in siseh, pum in siseh, cuarpar tan lo a simi cu ka hmunthiang chungah an lut kho lai lo, Israel mi lak i a ummi hmanh ramdangmi cu ahohmanh an lut kho lai lo.

EZEKIEL 44:7

Cu hleiah ramdangmi kha nan i ratpi fawn rih hna; annih cu lungthin in siseh pum in siseh cuarpartan lomi an si, ka hmunthiang ah khan nan dir i ka rawl kha a thau he a thi he nan ka pek tikah ka inn kha an thurhhnawmh i ka biakamnak kha pakpalawng ah nan ser.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

DEUTERONOMI 31:27

Zeitintiah zeitluk in dah ralchanh hmang le milungkhong nan si kha ka hngalh. Zohhmanh u, nannih sin i ka nun lio hmanh ah nihin ah Bawipa cu nan ralchanh; zeitluk in dik ka thih hnuah nan hei ralchanh chinchin lai!

EZEKIEL 2:4

An pupa thawk in nihin ni hrimhrim tiangin keimah kha an ka doh lengmang ko i atu i nangmah kan thlahnak zong hi mi lungṭhawng le mi lungkhong mi chan a si.

JEREMIAH 17:23

Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.

ISAIAH 48:4

Lunghak mi nan si lai ti kha ka hngalh cia, thir bantukin a ṭhawng i dar bantukin kuaih khawh lomi nan si.

SALM 75:5

i leksuai ti hlah u ka ti hna i i fak len ti hlah u ka ti hna,” a ti.

NEHEMIAH 9:16

“Sihmanhsehlaw annih le kan pupa hna nih cun porhlawt ngaiin thil an tuah i an hngawng kha an i rengh i na nawlbia kha an ngai lo;

2 CHANRELNAK 30:8

Nannih cu nan pupa hna bantuk khan hngawngṭhawng si hlah u, sihmanhsehlaw Bawipa sinah khan i pe u law zungzal ca in a thiantermi a hmunthiang ah khan ra u, cun a thinhunnak ṭihnung cu nan sinin aa mer nakhnga Bawipa nan Pathian cu a rian ṭuan u.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

DEUTERONOMI 9:13

“Cuhleiah Bawipa nih ka sinah, ‘Hi mi hna hi zei an si kha ka hmuh cang; zohhmanh, mikhong an si;

DEUTERONOMI 9:6

“Cucaah Bawipa na Pathian nih hi ram ṭha cu co awkah na dinnak thawng in an pek a si lo kha hngal tuah, zeitintiah nangmah cu mikhong na si.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

LAMKALTU 7:35

“Moses kha Israel mi nih an rak hlawtmipa a si. ‘Kan cung i uktu bawi le biaceihtu ah aho nih dah aan chiah?’ tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

NAMBAR 27:14

zeitintiah Zin ramlak i mibu nih an zai lioah khan, an mithmuh ah, ti ah khan, keimah thangṭhat awk i ka bia kha na doh,” tiah a ti. (Hi ti cu Zin ramlak i a ummi Kadesh khua i Meribah ti kha an si.)

2 SIANGPAHRANG 17:14

Sihmanhsehlaw annih nih ngaih an duh lo, Bawipa an Pathian a rak zum lomi an pupa hna an lung a hah bantuk khan an lung a hak ve.