LAMKALTU 7:44 - Lai (Hakha) Common Language Bible 2006

⁴⁴ “Kan pupa hna nih khan, Pathian kan sinah a um ti hngalhnak thlam kha thetse ram ah khan an rak i ngeih ko. Pathian nih Moses a chimh bantuk khan sermi a si i Moses nih a hmuhmi pungsan ning khan tuah a si.

Laibaibal Thiang (BSI)

⁴⁴ Moses sinah tuah awk i muisam a langhter bang khan kan pu le nih ramcar ah theihpitu puanthlâm kha an rak ngei.

LAMKALTU 7:44 Խաչաձեւ Հղումներ

EXODUS 25:40

Tlang cung i kan hmuhsakmi pungsan ningte khan ser naa zuam lai.

EXODUS 38:21

Biakamnak lungtlap an chiahnak Pathian umnak thlam chung hmanmi thilri cu hihi a si: Cu thilri hna cu Moses nih a fial hna ningin tuahmi an si i tlangbawi Aaron fapa Ithamar kuttang i a ṭuanmi Levi mi hna nih an sermi an si.

HEBRU 8:5

Asinain cu tlangbawi hna nih rian an ṭuannak biakinn cu vancung i a ummi biakinn a mui le a thlam sawhsawh men a si. Puan biakinn kha Moses nih a ser lai tikah Pathian nih, “Tlang cung i a muisam kan hmuhsakmi bantukte khan zeizong vialte na tuah dih lai,” tiah a chimhmi bia nih khan a sawhmi cu hihi a si.

HEBRU 8:2

Hmun Thiang Bik chungah khan Tlangbawi Ngan rian kha a ṭuan i cu a ṭuannak cu minung sakmi si loin Pathian sakmi biaknak thlam taktak chungah khan a si.

2 CHANRELNAK 24:6

Cucaah siangpahrang nih upa bik Jehoiada kha a auh i, “Bawipa sal Moses nih Israel mi bu cu hngalhternak thlam caah nan thawh lai tiin a timi hna ngunkhuai cu, Judah ram le Jerusalem khuami kha thawhter hna u tiah zeicahdah Levi mi kha na fial hna lo?” tiah a ti.

1 CHANRELNAK 28:19

Cun David nih aa thawh i, “Bawipa hrimhrim nih na tuah lai, tiah a ka fialmi tuahnak ding caah a ṭial in ṭialmi timhtuahnak chungah hi thil vialte hi an um dih,” tiah a ti.

1 CHANRELNAK 28:11

Khi tikah David nih a fapa Solomon cu biakinn a tual le a inn hna le a chawhlawn chiahnak hna le a cunglei khaan hna le a chungchin dal hna ruam-am le velngeihnak ṭhutdan chiahnak a khaan ca i a ruam-am cu a pek;

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

NAMBAR 18:2

Cun nangmah sinah na unau hna, Levi phun, na pa phun kha, ratpi hna law, nangmah kha an in fonh lai i nangmah he a ummi na fapa hna le nangmah cu hngalhternak thlam hmaiah nan um lioah an in bawmh hna lai.

NAMBAR 10:11

Kum hnihnak kum, thla hnihnak thla, cu thla a ni kul ni ah cun, minmei cu hngalhternak puan biakinn cung cun aa ṭhial i

NAMBAR 9:15

Puan biakinn an dirter ni ah cun, minmei nih puan biakinn, bia hngalhternak thlam cu a zelh i, zanlei ah cun puan biakinn cungah cun mei alh mui bantukin zinglei tiang a um.

EXODUS 26:30

Cuticun tlang cungah na hmuhmi pungsan ning khan puan biakinn cu na sak lai.

EXODUS 27:8

Biakṭheng cu a chung a kua in na ser lai, thing in na ser lai. Tlang cungah hmuhsak na simi pungsan ning khan na ser lai.

JOSHUA 3:14

Cucaah, mi hmai i biakamnak kuang a putu tlangbawi hna he Jordan tiva tan awkah mi nih an thlam in an i thawh tikah le