LAMKALTU 7:35 - Lai (Hakha) Common Language Bible 2006

³⁵ “Moses kha Israel mi nih an rak hlawtmipa a si. ‘Kan cung i uktu bawi le biaceihtu ah aho nih dah aan chiah?’ tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

Laibaibal Thiang (BSI)

³⁵ “Moses, ‘uktu le biaceihtu ah ahonihdah an ser’ tiah an hlawtmi cu, burbuk i vanmi a sin i â langmi nih khan a bomh i amah cu uktu le khamhtu dingah Pathian nih a thlah.

LAMKALTU 7:35 Խաչաձեւ Հղումներ

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

SALM 75:7

bia a ceihtu cu Pathian a si i a cheu kha a ṭhumh hna i a cheu kha a cawi hna,

NAMBAR 20:16

cun kannih nih Bawipa kha kan auh tikah kan aw kha a theih i vancungmi pakhat a run thlah i Izipt ram in a kan chuahpi; atu cu hika ah hin na ramri i a ummi Kadesh khua ah kan um.

EXODUS 14:19

Israel bu hmaiah a kalmi vancungmi kha aa ṭhial i an hnu in a zulh hna. An hmai i a ummi minmei tom kha aa ṭhial i an hnuah a um.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

HEBRU 2:2

Vancungmi hna pekmi bia hmanh kha ahmaan ti a si i a zul lomi le a ngai lomi cu dantatnak hmuh awk an i tlakmi kha pek an si ahcun,

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

LAMKALTU 7:30

“Cun kum sawm li a dih hnuah, Moses sinah cun vancungmi kha Sinai Tlang pawng thetse ram i burbuk a kangmi meizik in a lang.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

LAMKALTU 3:22

Moses nih zeitindah a rak ti tiah, ‘Bawipa Pathian nih keimah a ka thlah bantuk hin, nan mi a simi profet pakhat kha aan thlah hna lai. Amah nih an chimhmi hna kha a dihlak in nan ngaih lai.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

JOHAN 19:15

An au i, “That ko! That ko! Vailam ah khenh chih ko!” an ti. Pilat nih cun, “Nan siangpahrang cu vailam ah ka khenh chih ko lai maw?” tiah a hal hna. Tlangbawi upa hna nih cun, “Sizar dah ti lo cu ahohmanh siangpahrang dang kan ngei lo,” tiah an leh.

JOHAN 18:40

An au i, “Amah cu kan duh lo. Bar-abbas kan duh,” an ti. (Bar-abbas cu damiah a si).

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

SALM 77:20

Na mi cu tuukhal bangin na hruai hna, Moses le Aaron kha na cawnghter hna.

1 SAMUEL 12:8

Jakob nih Izipt ram chungah a vung kal i Izipt mi hna nih an hrem tikah, khi tikah nan pupa hna nih Bawipa kha an auh i Bawipa nih Moses le Aaron kha a thlah hna, annih nih nan pupa hna kha Izipt ram chungin an chuahpi hna i hi hmun ah hin an umter hna.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

EXODUS 33:2

Nan hmaiah vancungmi pakhat ka thlah lai i Kanaan mi hna le Amor mi hna le Hit mi hna le Periz mi hna le Hiv mi hna le Jebus mi hna kha ka ṭhawl hna lai.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

EXODUS 14:24

Khuadei laite ah khin Bawipa nih cun minmei tom le mei tom chung khan Izipt mi kha a vun zoh hna i a tuaiter dih hna.

EXODUS 2:14

Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.

MARKA 12:26

Mithi mi thihnak in thawhter ṭhan an si lai le si lai lonak kong cu, Moses cauk chungah khan, burbuk a kangmi kong kha nan rel bal lo maw? Khaka ah khan Pathian nih Moses cu a thawh i, ‘Kei cu Abraham Pathian, Isak Pathian, Jakob Pathian ka si,’ a ti, tiah aa ṭial ṭung.