LAMKALTU 7:27 - Lai (Hakha) Common Language Bible 2006

²⁷ Sihmanhsehlaw a sual deuhpa nih khan Moses cu a nam i, “Aho nih dah nangmah cu kan cung i uktu bawi ah an in ser?

Laibaibal Thiang (BSI)

²⁷ Asinain a inpa sin i fahnâk tuah a timtu pa nih a nam i, “Kan cungah uktu le biaceihtu ah ahonihdah an ser?

LAMKALTU 7:27 Խաչաձեւ Հղումներ

LAMKALTU 7:35

“Moses kha Israel mi nih an rak hlawtmipa a si. ‘Kan cung i uktu bawi le biaceihtu ah aho nih dah aan chiah?’ tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

LUKA 12:14

Jesuh nih cun a vun leh i, “Mipa, aho nih dah nan pahnih karlak i biathlektu ding le ro ṭhentu dingah nawl a ka pek?” tiah a ti.

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.

LAMKALTU 7:39

“Sihmanhsehlaw kan pu le kan pa hna nih khan an hlawt i Izipt ram i vung kir ṭhan tu kha an duh deuh.

LAMKALTU 5:33

Khawngsil pawl nih hi bia kha an theih tikah an thin a hung tuk hringhran i lamkaltu kha thah an duh ko hna.

LAMKALTU 4:7

Lamkaltu hna kha an hmaiah an dirter hna i, “Mah hihi zeitindah nan tuah? Zei ṭhawnnak dah nan ngeih? Aho min dah nan hman?” tiah an hal hna.

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

GENESIS 19:19

Zohhmanh, ka cungah zaangfahnak nganpi na tuah cang i ka nunnak na ka khamh hi na ka zaangfah ruangah cun a si ko. Tlang cu an hla tuk i ka phak hlanah rawhnak nih khan a ka cil lai i ka thi lai.

EXODUS 2:14

Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.