LAMKALTU 6:1 - Lai (Hakha) Common Language Bible 2006

¹ Cu hnu tlawmpal ah cun, zumtu kha an karh chin lengmang tikah, Grik holh a hmangmi Judah mi hna le Judah holh a hmangmi Judah mi hna karlak ah khan siknak a um. Grik holh a hmangmi Judah mi hna nih khan kannih kan nuhmei hna cu ni fate thil i phawtnak ah hrelh deuh an si tiah an zai.

Laibaibal Thiang (BSI)

¹ Cu cân i zultu an hun karh lengmang lioah, nichiarte thil an i phawtnâk kongah an nuhmei zei i an rel hna lo ruangah Grik holh a hmangmi Judah mi kha an phunsaih hna.

LAMKALTU 6:1 Խաչաձեւ Հղումներ

LAMKALTU 4:35

lamkaltu hna sinah khan an rak put hna i tangka cu a herhmi paoh kha an herh baunak ning cio ah an phawt hna.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

JEIM 5:9

Harnak nan ton tikah pakhat le pakhat i mawhchiat hlah u. Cu ti nan um ahcun Pathian nih bia an ceih sual hna lai. Biaceihtu cu lamnai te ah a um ko i a rung lut zau ko lai.

LAMKALTU 9:39

Cucaah Peter cu aa tim i an sinah cun a kal. A va phak tikah cungdot ah khan an kaipi. Nuhmei vialte nih khan a zual in an zual i an ṭahpah khan, Dorkas nih a nun lioah a rak serpiakmi hna angki hna le puan hna kha an hmuhsak.

LAMKALTU 6:7

Cuticun Pathian bia cu a karh chin lengmang. Jerusalem khua chungah khan a zummi cu an tam chin lengmang i tlangbawi tampi zong nih cu zumhnak cu an pom ve.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

FILIPI 3:5

zarh khat ka si ah cuarpartan ka si, chuahkehnak lei in Israel mi, Benjamin phun, Hebru mithiang ka si; Judah mi Nawlbia zulhnak leiah Farasi ka si i

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 9:41

Peter nih a kut a hei chanh i a thawh. Cun a zummi hna le nuhmei hna kha a auh hna i a nung in an sinah cun a pek hna.

LAMKALTU 9:29

Grik holh in a holhmi Judah mi hna he zong khan bia an i ruah i a al zong an i al len, sihmanhsehlaw annih nih cun thah kha an timh.

LAMKALTU 5:14

Cuhleiah mi kha an bu ah cun an i chap chin lengmang i Bawipa a zummi hna cu nu he pa he bu nganpi ah an i cang.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

HEBRU 13:1

Khrih chungah unau nan si bantukin pakhat le pakhat i daw zungzal u.

2 KORIN 11:22

Annih cu Hebru mi an si maw? Ka si ve. Israel mi an si maw? Ka si ve. Abraham tefa an si maw? Ka si ve.

LAMKALTU 2:45

An thil le an ngeihmi kha an zuar hna i tangka an hmuhmi kha a dihlak in an herhning cio paoh in an i phaw.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

SALM 72:16

Ram chungah rawl tam piin um ko seh; Lebanon tlang i a ummi rawl kung ṭha bantuk nih tlang vialte cu tuam dih hna seh. Ramlak i a khomi ram bantukin khuapi cu minung in khat hna seh.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

1TIMOTE 5:9

Nuhmei cazin chungah khan kum sawm ruk a ti lomi cu khumh ti hna hlah. Cuhleiah amah cu voi khat lawng va a ngeimi a si lai i

1 KORIN 10:10

A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

JOB 31:16

Sifakmi nih a duhmi kha sian loin ka um i nuhmei mit kha ka zetter i,

JOB 29:13

A thi dengmangmi nih a thangṭhatmi cu keimah ka rak si i, Nuhmei, lunglawmhnak in hla a saktertu cu keimah ka rak si.

DEUTERONOMI 26:12

“Cun kum thumnak kum, cheu hra cheu khat pek kum a simi kum i nan hmuhmi thil vialte chungin cheu hra cheu khat nan pek dih i, Levi mi hna le mipem hna le pangeilo hna le nuhmei hna nih nan khua chungah an ei i an khim nakhnga, annih kha nan pek hna tikah,

LAMKALTU 6:2

Cucaah lamkaltu pahleihnih hna nih khan zultu dihlak kha an ningpi in an kawh hna i, “Kannih nih Pathian bia chim kha thlahdorh riangmang i tangka i phawtnak kong lawng kha kan tuah ahcun ahmaan hnga lo.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 11:29

Zultu pawl nih khan anmah le an ti khawh tawk cio ah Judah ram i a ummi unau pawl bawmhnak pek awkah khan an i ceih.

ROM 12:7

midang ca rianṭuan kha a si ahcun, cuticun kan ṭuan awk a si; cawnpiak kha a si ahcun kan cawnpiak hna awk a si;

1TIMOTE 5:3

Nuhmei a si taktakmi cu hmaizah hna.