LAMKALTU 5:9 - Lai (Hakha) Common Language Bible 2006

⁹ “Zeicahdah na va he nan pahnih in Bawipa Thlarau cu hneksak del awkah khua nan rak khan? Na va a va vuitu hna kha innka hram ah an um ko rih khih, nangmah zong an in kalpi ve lai,” tiah a ti.

Laibaibal Thiang (BSI)

⁹ Peter nih a sinah, “Zeiruangahdah Bawipa Thlarau hniksak dingah nan lung â ruan? Zohhmanh, na va vuitu hna ke nih inkâ hram a phân cang, nang zong an in zawnh cawlh lai,” tiah a ti.

LAMKALTU 5:9 Խաչաձեւ Հղումներ

1 KORIN 10:9

A cheu nih Bawipa an rak hneksak bantuk khan kan hneksak ve awk a si lo, cu ti an tuah caah khan rul nih a rak cuk hna.

SALM 78:56

Asinain Lianngan Bik Pathian kha an doh i an hneksak. A nawlbia kha zulh an duh lo i

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

LAMKALTU 15:10

Cucaah zeicahdah kan pupa nih si hna seh, kannih nih si u sih, kan phorh khawh lomi thilrit cu an liang cung i chonh nan timhnak thawng hin Pathian cu hneksak del nan duh?

LUKA 16:2

Amah cu a kawh i, ‘Nangmah kong i ka theihmi hi zeidah a si? Ka thilri na tuahtonak cazin kha tlamtling tein ka pe tuah, zeicahtiah ka thil zohkhenhtu na si kho ti lo,’ tiah a ti.

MATTHAI 4:7

Jesuh nih a thawh i, “Cathiang nih pei, ‘Bawipa na Pathian cu hneksak hlah,’ a ti ve kha,” tiah a leh.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

PHUNGTHLÛKBIA 16:5

Miruamkai cu Bawipa caah fihnung an si, hnadai tein um ko, dantatnak hmu loin an um lai lo.

PHUNGTHLÛKBIA 11:21

Hnadai tein um ko, miṭhalo cu dantatnak hmu loin a um lai lo, sihmanhsehlaw miding hna le an tefa hna cu an luat lai.

SALM 50:18

Mifir nan hmuh tikah a hawi ah nan i cang i vacung pa duhmi hna he nan i kom.

2 SIANGPAHRANG 6:32

Elisha cu a inn ah khan a ṭhu ko i upa hna cu amah sinah khan an ṭhu ve. Cun siangpahrang nih amah sinin mi pakhat a thlah i lamkaltu kha a ra phak hlanah khan Elisha nih cun upa hna cu, “Zeitindah lainawngpa nih hin keimah lu kha tan awkah a mi a thlah ti kha nan hngal maw? Zohhmanh u, lamkaltu kha a rat tikah, innka kha khar u law innka kha fek tein hrenhkanh u. A bawipa ke lamh thawng nih amah cu a zulh colh a si lo mei?” tiah a ti.

NAMBAR 14:22

ahohmanh, Izipt ram chung le ramcar chung i ka tuahmi ka sunparnak le ka hmelchunhnak a hmu i, sihmanhsehlaw hi voi hra tiang a ka hneksak i ka aw a ngai lomi cu,

EXODUS 17:7

Cuka hmun cu “Hneksaknak” ti le “Siknak” tiin a min ah kawh a si; zeicahtiah Israel mi cu Bawipa he khan an i si i, “Bawipa hi kanmah leiah a ṭang maw ṭang lo dah?” ti in an hneksak ruangah khan cuticun min an sak cu a si.

EXODUS 17:2

Moses cu an sik i, “Din awk ti kan pe,” an ti. Moses nih annih cu a leh hna i, “Zeicahdah keimah cu nan ka sik? Zeicahdah Bawipa cu hneksak nan del?” a ti hna.

ROM 10:15

Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngṭha a chimtu hna ke cu a vaa dawh dah,” a ti bantuk khan a si taktak.

LAMKALTU 5:6

Tlangval kha an rung lut i a ruak kha an zual i an chuahpi i an vui.

GENESIS 20:13

Cucaah Pathian nih ka pa inn in ram dang i a ka kalter tikah, amah cu ka thawh i, ‘Ka cung i zumhawktlak tein na tuah dingmi rian pakhat na ngei, cucu khuazeika kan kalnak hmanh ah, ka ṭa a si, na ka ti lai,’ ka ti,” tiah a ti.