LAMKALTU 5:39 - Lai (Hakha) Common Language Bible 2006

³⁹ sihmanhsehlaw Pathian sinin a rami a si ahcun, nan tei kho hlei lai lo. Pathian dotu lehlam ah nan cang sual lai,” tiah a ti hna. Khawngsil pawl nih cun Gamaliel ruah-nak cheuhmi kha an zulh.

Laibaibal Thiang (BSI)

³⁹ Asinain Pathian sinin a chuakmi a si ahcun nan hloh kho lai lo. Culoahcun Pathian ralchanhtu nan si sual lai,” tiah a ti.

LAMKALTU 5:39 Խաչաձեւ Հղումներ

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

1 KORIN 1:25

Zeicahtiah Pathian hruhnak a si rua timi cu minung fimnak nakin a fim deuh ṭhiamṭhiam i Pathian dernak a si rua timi cu minung ṭhawnnak nakin a ṭhawng deuh ṭhiamṭhiam.

LAMKALTU 11:17

Kannih nih Bawipa Jesuh Khrih kan zumh tikah Pathian nih laksawng a kan pekmi bantukte kha Jentail mi hna zong Pathian nih cun a pek ve hna ti kha a fiang ko; cucaah, a hi kei nih hin maw, Pathian cu ka donh hnga?” tiah a ti.

LAMKALTU 9:5

“Ahodah na si, Bawipa?” tiah a leh. Aw nih cun, “Keimah cu na hremmi Jesuh ka si.

LAMKALTU 6:10

Sihmanhsehlaw Thlarau nih Steven cu fimnak kha a pek caah bia a chim tikah an tei kho lo.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

LAMKALTU 23:9

An aukhuan cu a thang deuh lengmang i Phungbia cawnpiaktu saya cheukhat, Farasi mi pawl a simi kha an dir i fak piin an al hna i, “Hi pa hi a palhnak zeihmanh kan hmu kho lo. Thlarau nih maw vancungmi nih dik a chawnh taktak ko lai,” an ti.

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

ISAIAH 45:9

Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

2 SIANGPAHRANG 19:22

Na nihsawh i na serhsat i Na aw na perhhnawh i ruamkai ngaiin na mit na renghhnawhmi Israel mi Thiang kha a si ko!

1 SIANGPAHRANG 12:24

hi bangin Bawipa nih, ‘Nan hung kal awk a si lai lo i nan unau Israel mi cu a doh zong nan hung do hna lai lo. Hi thil cu keimah sinin a rami a si caah nan inn cio ah kir dih u,’ a ti, tiah va chim,” tiah a ti. Cucaah Bawipa bia cu an ngaih i Bawipa bia bangin an inn cio ah an kir ṭhan.

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

GENESIS 24:50

Laban le Bethuel nih cun, “Hi thil hi Bawipa sinin a rami a si caah kannih nih biakhiahnak hi kan tuah awk a si hnga lo.