LAMKALTU 5:33 - Lai (Hakha) Common Language Bible 2006

³³ Khawngsil pawl nih hi bia kha an theih tikah an thin a hung tuk hringhran i lamkaltu kha thah an duh ko hna.

Laibaibal Thiang (BSI)

³³ Cucu an theih tikah an thin a khenh hna i thahnâk ding khua an khâng.

LAMKALTU 5:33 Խաչաձեւ Հղումներ

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

MATTHAI 24:9

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MATTHAI 10:21

“Mi nih anmah unau lila kha thah awkah mi an tlaihter hna lai, cun pale zong nih cu bantuk ṭhiamṭhiam in an fale cungah an tuah lai; fale zong nih khan an nule le an pale kha an doh hna lai i mi kha an thahter hna lai.

LAMKALTU 22:22

Hi tiang a chim ah hin cun mizapi nih khan Paul kha an ngaih ko; sihmanhsehlaw an aw reng chuak khan an au ṭhan i, “Kha pa kha hlo ko u. That ko u. A nung ding tlak a si lo,” an ti.

LAMKALTU 9:23

Ni tam nawn hnuah khin Judah mi cu an i pum i Saul thahnak dingah khua an khang;

JOHAN 15:20

‘Sal cu a bawipa nakin a ngan deuh bal lo,’ tiah kan chimhmi hna kha philh hlah u. Keimah kha an ka hrem ahcun nannih zong an in hrem ve ko hna lai; ka bia kha an ngaih ahcun nan bia zong kha an ngaih ve lai.

LUKA 20:19

Phungbia cawnpiaktu saya hna le tlangbawi upa hna nih khan Jesuh cu tlaih colh an duh, zeicahtiah hi bianabia hi kanmah a kan chimhnawh ti kha an i hngalh, sihmanhsehlaw mizapi kha an ṭih hna.

LUKA 6:11

Sihmanhsehlaw annih cu an thin a khenh hna i Jesuh hi zeitindah kan hrawh khawh lai ti kha an i ceih.

MATTHAI 1:19

A hamtu Josef cu thil a hmaanning in tuah a duh zungzalmi a si; sihmanhsehlaw Mary cu zapi hmaiah ningzahter a duh lo caah an i hamnak kha a thli tein ka let lai, tiah khua a ruat lengmang.