LAMKALTU 3:21 - Lai (Hakha) Common Language Bible 2006

²¹ Pathian nih a thiangmi a profet hna sinin hlan liopi ah a rak thanh cang bantukin, zei zong vialte a thar in ser caan a phak hlantiang vancung ah cun a um ko lai.

Laibaibal Thiang (BSI)

²¹ Zeizong vialte serṭhatnâk cân a phâk hlan pauh cu van nih Amah cu a cohlan hrimhrim rih awk a si, cucu Pathian nih vawlei ser hramthawkin a thiangmi a profet vialte hna hmangin a rak chim cangmi a si.

LAMKALTU 3:21 Խաչաձեւ Հղումներ

ROM 8:21

Cu ruahchannak cu zeidah a si tiah, ni khatkhat cu sermi thil vialte hi thutnak sal sinak khan luatter an si lai i Pathian fale hna luatnak a sunglawimi kha an i hrawm te lai.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

ISAIAH 1:26

Hlanpi ah nan rak ngeihmi hruaitu hna le fimchimtu hna bantuk kha kan pek ṭhan hna lai. Cun Jerusalem cu, dinnak khua, zumhawktlakmi khua, ti a si lai,” a ti.

BIAPHUAN 22:6

Cun vancungmi nih khan a ka thawh i, “Hi bia hi biatak an si i zumhawktlak an si. A Thlarau kha profet hna a petu Bawipa Pathian nih, tuante ah a tlung zau ding thil kha a sal hna hmuhsak awkah, a vanmi kha a run ka thlah,” a ti.

LUKA 1:70

Hlanliopi ah a profet thiang hna sinin,

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti,” tiah a ti.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

LAMKALTU 3:20

Cun Bawipa nih thlarau thazang thar hmuhnak caan ṭha an pek hna lai i amah nih nan caah a thim cangmi Messiah, Jesuh kha nan sinah a run thlah lai.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.