LAMKALTU 3:12 - Lai (Hakha) Common Language Bible 2006

¹² Peter nih a rak hmuh hna tikah khan a rak thawh hna i, “Ka phun hawi Israel mi hna, zeicahdah hi thil kongah nan khuaruah a har i kanmah lehlam cu ngang koin nan kan zoh? Hi pa kan kalter khawh hi kanmah ṭhawnnak in le Pathian hmai i kan ṭhatnak thawngin maw a si tiah nan ruah?

Laibaibal Thiang (BSI)

¹² Peter nih mizapi kha a hmuh tikah, “Nannih Israel mi hna zeiruangahdah hi kongah nan ar ko? Asiloah kanmah thil tikhawhnâk le biaknâk i kan i zuam ruangah kan damtermi bangin ar koin nan kan zoh?

LAMKALTU 3:12 Խաչաձեւ Հղումներ

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

GENESIS 41:16

Josef nih cun, “Keimah leh khawh bia a si lo, Pathian nih Faro cu a ṭhami lehnak a pek lai,” tiah a leh.

ROM 9:4

Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh,

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

ROM 11:1

A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

LAMKALTU 13:26

“Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

JOHAN 7:18

Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

GENESIS 40:8

Annih nih, “Mang pakhat veve kan ngei i a kan lehpiaktu ahohmanh an um lo,” tiah an leh. Josef nih cun, “Mang lehnak a pe khotu cu Pathian a si. Nan mang cu ka chim tuah u,” a ti hna.

LAMKALTU 3:11

Mipa cu Peter le Johan sin lawngah khan aa hel caah mizapi cu an khuaruah a har i Solomon Innleng timi ah khan an sinah cun an va le i,

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

BIAPHUAN 7:13

Upa pakhat nih khan a ka hal i, “Puan rang aa aihmi hna hi ahodah an si i khuazei in a rami dah an si?” tiah a ka ti.