LAMKALTU 28:31 - Lai (Hakha) Common Language Bible 2006

³¹ Pathian Pennak kong kha a chimh hna i Bawipa Jesuh Khrih kong kha a cawnpiak hna i ralṭha ngai le zeihmanh dawntu um loin a chimh hna.

Laibaibal Thiang (BSI)

³¹ Pathian Pennâk kong chim in, Bawi Jesuh Krih kong kha ralṭha in a cawnpiak hna i ahohmanh nih an kham lo.

LAMKALTU 28:31 Խաչաձեւ Հղումներ

LAMKALTU 4:29

Cucaah atu cu Bawipa, an kan hronak hi kan hngalhpiak law kannih na sal rual nih hin na bia cu ralṭha chinchin in kan chim nakhnga a nawl kan pe ko.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

FILIPI 1:14

Cun thong ka tlaknak nih hin kan unau pawl a tam deuh kha Bawipa an zumhnak ah lungfehnak a pek hna i cucaah an ral a ṭha chinchin i ṭih lo tein Thawngṭha bia kha an chim.

LAMKALTU 20:25

“Nan dihlak in kan vahhnawh hna i Pathian Pennak kong kha kan chimh hna. Cun atu cu ahohmanh nih nan ka hmu ṭhan ti lai lo ti kha ka hngalh.

LAMKALTU 8:12

Sihmanhsehlaw Filip chimmi Thawngṭha, Pathian Pennak kong le Jesuh Khrih min kong kha an zumh tikah nu he pa he tipilnak kha an ing.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

LAMKALTU 5:42

Cun nifate in biakinn chung le mi inn kip ah Messiah a simi Jesuh kong Thawngṭha kha an cawnpiak hna i an chimh lengmang hna.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.

LUKA 8:1

Cu hnu tlawmpal ah cun Jesuh cu khuapi he khuate he a tlawng duahmah hna i Pathian Pennak kong Thawngṭha kha a chimh hna. Lamkaltu pahleihnih hna nih khan an zulh i

MARKA 1:14

Johan kha thong i thlak a si hnuah Jesuh cu Galilee ram ah khan khual a tlawng i Pathian sinin a rami Thawngṭha kha a chimh hna.

LAMKALTU 1:3

A thih hnuah ni sawm li chung an sinah voi tampi a lang i a nung ṭhan hrimhrim ti kha zumh lo awk zeihmanh um loin lam tam piin a langhter: annih nih amah cu an hmuh i anih nih Pathian Pennak kong kha a ruah hna.

LAMKALTU 28:30

Kum hnih chung Paul cu khika ah inn aa hlan i a um; amah chawnhbiak awkah a rami vialte kha a rak lawmh hna.