LAMKALTU 28:2 - Lai (Hakha) Common Language Bible 2006

² Cuka rammi hna cu kan cungah an ṭha ngaingai. Ruahpi a sur i khua a sik, cucaah meiphu an kan tihpiak i hung to u tiah an kan ti.

Laibaibal Thiang (BSI)

² Cuka i a ummi hna nih an kan zângfah tuk hringhran i ruah a sur i khua a sih ruangah mei an tih i kan dihlak in an kan cohlan.

LAMKALTU 28:2 Խաչաձեւ Հղումներ

HEBRU 13:2

Khualtlung kha daw hna u. Khualtlung a dawmi cu an hngalh loin vancungmi nih khan an tlun tawn hna.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

ROM 1:14

Miphun vialte hna sinah leiba ka ngei, a fimmi si hna seh, a hrutmi si hna seh, cathiammi si hna seh, cathiam lomi si hna seh, an dihlak cungah leiba ka ngei.

2 KORIN 11:27

Rian hrang ṭuan awk a um tawn, zan it loin voi tampi ka um a herh tawn, tihal le rawlṭam voi tampi ka in; rawl ei awk ngei lo le i dornak ngei lo le puan ngei loin ka um tawn.

LAMKALTU 28:4

Cuka rammi hna nih rul kha Paul kut i aa thlai ko cu an hmuh tikah pakhat le pakhat kha, “Hi pa hi lainawng a si ṭheo lai, rili in luat hmanh seh law khuazing nih nunter a duh lo i a si ko,” an ti.

1 KORIN 14:11

Asinain a chimtupa nih a hmanmi holh kha ka hngalh lo ahcun amah cu ka caah holh theih lo mipa a si i kei zong a caah holh theih lo mipa ka si ve.

MATTHAI 10:42

Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

LAMKALTU 27:3

A thaizing ah cun Sidon khua kha kan phan. Julias cu Paul cungah khan a ṭha ngaingai i va kal i a hawikom hna va hmuhtak kha a onh i a herhmi rak pekchanh zong kha a onh hna.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

ROM 2:27

Cucaah nannih Judah mi cu, Nawlbia kha nan i ṭial i nan cuarpar nan i tan nain, nawlbia kha nan buar caah Jentail mi nih, an pum in cuarpar tannak an ngei lo nain, Nawlbia kha an zulh caah, sual an in phawt hna lai.

JOHAN 18:18

Khua a sih caah sinum pawl le palik pawl nih khan meihol an tih i dir buin an to. Peter zong cu an sinah khan a va kal i dir buin a va to ve.

EZRA 10:9

Khi tikah Judah le Benjamin mi vialte cu ni thum chungah Jerusalem ah an i pum; thla kuanak thla, a ni kul ni ah a si. Cun mi vialte cu Pathian inn hmai i tual ah cun an i pum i hi thil kong ah hin le ruah tampi a sur caah an ther ko.

LEVITIKAS 19:18

Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.

LAMKALTU 28:3

Paul cu thinghreu kha a khawmh i mei ah khan a tih hna. Mei nih cun a hun linh caah thing chung cun rul a hung chuak i Paul cu a kut ah a cuk i aa thlai ko.

ROM 14:1

Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

ROM 14:3

Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta.