LAMKALTU 27:41 - Lai (Hakha) Common Language Bible 2006

⁴¹ Sihmanhsehlaw lawng cu thetse tlang ah aa su khut i a tap ai. Lawng cu a hmailei kha thetse chungah cun aa bunh i cawlcang kho ti loin a taan lioah khan a hnulei tu cu tilet nih khan kuai cuahmah in a den ṭualmal ko.

Laibaibal Thiang (BSI)

⁴¹ Asinain tikam i tilet pahnih â tonnâk hmun ah tilawng hmailei zum cu â sawh i tilawng cu a cawlcâng kho ti lo. Tilawng hnulei tu cu tilet a ṭhawng tak takmi nih a huailen i kuai hram â thawk.

LAMKALTU 27:41 Խաչաձեւ Հղումներ

EZEKIEL 27:26

Na lawng zaptu hna nih khan rili cungah cun an in kalpi, Sihmanhsehlaw rilipi cungah cun nichuahlei thli nih an hrawh.

LAMKALTU 27:17

Lawng cungah khan an hun khin i lawng cu a velchum in hri in fek tein an ṭem. Libia rilikam lei i rili tang thetse tlang ah khan kan i su sual lai ti an phang i cucaah puanzar kha an ṭhumh i lawng cu thlitu kha an choihter.

EZEKIEL 27:34

Atu cu a thukmi ti chungah rili nih an khuai cang; Na thilri vialte le na mibu vialte hna cu an tla cang.

2 CHANRELNAK 20:37

Cun Mareshah i a ummi Dodavahu fapa Eliezer nih Jehoshafat ralchanh in profet bia a chim i, “Ahaziah he nan i komh caah na ser ciami cu Bawipa nih a hrawh lai,” tiah a ti. Cun tilawng hna cu an rawk i Tarshish ah khan an kal kho lo.

1 SIANGPAHRANG 22:48

Jehoshafat nih Ofir i sui va phortu ah Tarshish sangphawlawng a ser hna; sihmanhsehlaw an kal lo; zeicahtiah, Eziongeber ah lawng cu an rawk dih.

LAMKALTU 27:30

Lawngcawng pawl nih khan vokkuanglawng kha ti ah khan an vun thlak i hmailei kamah thir cangai kan thla lai ti bantuk khin an i umter i zam an i tim.

LAMKALTU 27:40

Cucaah thircangai kha a hri an chah hna i rili chungah an thlak hna, cun lawng zahnak fung ṭemnak hri kha an phoih hna. Cun lawng kha thli nih hmailei ah kalpi seh tiah a hmailei ah khan puanzar kha an zar i tikam lei cu kan panh.

LAMKALTU 27:42

Ralkap nih khan thongtla vialte hi kan thah dih hna lai, pakhat hmanh i leuh in luat hna hlah seh, an ti.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.