LAMKALTU 26:24 - Lai (Hakha) Common Language Bible 2006

²⁴ Cu bantukin Paul nih a sual lonak kong a chim lioah khan Festas nih cun a hei auh chih i, “Paul, na hrut cang! Na cawn sannak nih an hruhter cang,” tiah a hei ti.

Laibaibal Thiang (BSI)

²⁴ Cubangin a kong a chim dih tikah, Festas nih aw thang ngai in, “Paul, na hrut cang! Na cawn tamtuk nâk nih an hruhter cang!” tiah a ti.

LAMKALTU 26:24 Խաչաձեւ Հղումներ

1 KORIN 1:23

sihmanhsehlaw kannih nih cun vailamtahnak cung i thahmi Khrih kong kha kan chim i cu kong cu Judah mi caah cun tluknak lung a si i Grik mi hna caah cun hruhnak bia a si.

2 KORIN 5:13

Mihrut cu kan si taktak ko maw? Kan si ahcun Pathian ruangah a si ko lai. Kan fim a si ahcun nanmah ca dingah a si.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

MARKA 3:21

Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

LAMKALTU 26:11

Pumhnak inn kip ah khan voi tampi hremnak ka inter hna i an zumhnak kha hlawtter kaa zuam hna. An cungah khan ka thin a hun tuk caah anmah hrem awkah cun ramdang khua hmanh ah ka fuh hna.

JEREMIAH 29:26

“Bawipa nih Jehoiada hmun ah khan tlangbawi ah an ser cang i atu cu biakinn chungah bawi bik na si cang. Cucaah na rian cu profet ka si aa timi, mihrut hna paoh kha thir cincik in khih le an hngawng i thirkual oih kha a si lai.

2 SIANGPAHRANG 9:11

Jehu cu a bawipa sinum hna sin i a hung chuah tikah khan, annih nih amah cu, “A ṭha dih maw? Zeicahdah hi mihrutpa hi na sinah khan a rat?” tiah an ti. Cun anih nih annih cu, “Nannih nih amah cu nan hngalh i a bia zong nan hngalh ko kha ta,” tiah a ti hna.

LAMKALTU 17:32

Paul nih thihnak in thawhternak kong a chimmi kha an hun theih tikah a cheu nih an nihsawh i a cheu nih, “Hi kong hi theih ṭhan kan duh,” an ti.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

LAMKALTU 22:1

Paul nih cun a thawh hna i, “U le nau hna le pale hna, nan hmai i kaa humhaknak bia ka chim tikah hin ka bia hi ka ngaihpiak tuah u,” tiah a ti.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

JOHAN 8:48

Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.

JOHAN 7:15

Judah upa pawl cu an khuaruah a har i, “Hi pa hi sianginn ah a kai bal ṭung lo, zeitindah hi zatzat hi a hngalh hnga?” an ti.

LAMKALTU 24:27

Kum hnih a luan tikah Feliks cu Porsias Festas nih a hun thlen. Feliks nih Judah mi nih ka duh hna seh ti kha a duh caah Paul kha thong chungah khan a chiahtak.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.