LAMKALTU 25:3 - Lai (Hakha) Common Language Bible 2006

³ Paul cu lam ṭim i rak thah awk kha khua an khan caah Festas cu zaangfahnak tein Paul cu Jerusalem ah ratter ko tiah an nawl.

Laibaibal Thiang (BSI)

³ Jerusalem i kalpi awk zongah an rak nawl. A ratnâk lam i rak bawh i thah kha an timhmi a si.

LAMKALTU 25:3 Խաչաձեւ Հղումներ

LAMKALTU 9:24

sihmanhsehlaw tuah an i timhmi kha a chimtu an rak um. Amah kha thah an duh caah cun chunzan in khua kutka kha an cawngh hna.

ROM 3:8

“Ṭhatnak a chuah nakhnga ṭhat lonak kha tuah u sih,” tiah zeicaah kan ti ko kun lo? Cu hrimhrim cu a chimmi a si, tiin mi cheukhat nih an ka thangchiat. Cu bantuk mi pawl cu sualphawt awk tlak an si bantukin sualphawt an si ko lai.

LAMKALTU 9:2

Damaskas khua Judah pumhnak inn haotu pawl sin i theihhngalhnak ca kha a hung hal. A duhnak cu khi khua ah khan Bawipa Lam a zulmi ka hmuh hna ahcun nu thlulo pa thlulo in ka tlaih hna lai i Jerusalem ah ka kalpi hna lai, ti a si.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

PHUNGTHLÛKBIA 24:15

Miṭha mi cu a inn ah miṭhalo nih an bawh bangin va bawh hlah, a lo zong kha va chut hlah;