LAMKALTU 25:10 - Lai (Hakha) Common Language Bible 2006

¹⁰ Paul nih aa thawh i, “Siangpahrang biaceihnak zung hrimhrim ah ka chuak lai, khika ah bia cu ka ceih hna seh. Nangmah nih fiang tein na hngalh bantukin Judah mi cungah zeihmanh ṭhat lonak ka tuah lo.

Laibaibal Thiang (BSI)

¹⁰ Paul nih, “Sizar biaceihnâk hmaiah ka dir, cuka ah ceih awk ka si, Judah mi cungah sualnâk zeihmanh ka tuah lo, nang zong nih fiang tein na hngalh ko.

LAMKALTU 25:10 Խաչաձեւ Հղումներ

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

LAMKALTU 28:18

Bia an ka hal tikah, thihnak tlak ṭhat lonak zeihmanh ka tuah lo kha an hmuh caah thlah an ka duh.

LAMKALTU 26:31

an i ṭhial hnuah khin pakhat le pakhat cu, “Hi pa hi thah awk tlak thil siseh, thong thlak awk tlak thil siseh, zeihmanh a tuahmi a um lo,” tiah an ti.

LAMKALTU 25:25

Sihmanhsehlaw thah awk tlak sinak caah zeihmanh thil ṭhalo a tuahmi ka hmu kho fawn ṭung lo. Cucaah cun amah zong nih Siangpahrang sin i azu a khan caah kei zong nih Siangpahrang sin i kuat dingah cun ka ruah cang.

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

LAMKALTU 25:17

Hika i an rat tikah a caan zeihmanh rauhter loin a thaizing hrimhrim ah biaceihnak zung ah ka ṭhu i mipa cu rak chuahpi u tiah nawl ka pek hna.

LAMKALTU 25:6

Festas cu an sinah ni riat, ni hra tluk a cam i cun Sisaria khua ah khan a kal. A thaizing ah biaceihnak zung ah khan a ṭhu i Paul cu rak chuahpi u tiah nawl a pek hna.

LAMKALTU 23:29

A tuahmi ah thah awk tlak a simi siseh, thong thlak awk tlak a simi siseh, zeihmanh ka hmu lo; sual an puhmi cu anmah phung kong men kha a si ko.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, “Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in,” tiah a ti.