LAMKALTU 24:24 - Lai (Hakha) Common Language Bible 2006

²⁴ Ni tlawmpal hnuah khin Feliks cu a nupi Drusilla he an ra; a nupi cu Judah mi a si. Paul cu ra seh tiah an hei cah i Paul nih Khrih Jesuh zumhnak kong a chimmi kha a ngaih.

Laibaibal Thiang (BSI)

²⁴ Cun ni zeimawzat hnuah Felik cu a nupi Judah nu Drusilla he an ra. Paul cu a auhter hna i Krih Jesuh zumhnâk bia cu a ngai.

LAMKALTU 24:24 Խաչաձեւ Հղումներ

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

GALATI 2:16

Asinain minung hi Pathian he an i remnak cu Jesuh Khrih an zumhnak thawngin a si i Nawlbia nih tuah u a timi tuahnak thawngin a si bal lo ti kha kan hngalh. Kannih zong, Nawlbia nih tuah u, a timi tuahnak thawngin si loin Khrih kan zumhnak thawngin Pathian he remnak kan hmu lai ti caah Jesuh Khrih kha kan zumh. Zeicahtiah Nawlbia nih tuah u, a ti mi tuahnak thawngin ahohmanh nih Pathian he i remnak an hmu lo.

BIAPHUAN 14:12

Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

1JOHAN 5:1

Jesuh cu Messiah a si tiah a zummi paoh cu Pathian fa an si; pa a dawmi paoh nih cun a fa zong kha an dawt tawn.

GALATI 3:2

Hi thil pakhat te hi ka chim hnek u, “Pathian Thlarau kha, Nawlbia nih tuah u timi nan tuahnak thawngin maw nan rak hmuh, asiloah thawngṭha nan theih le nan zumhnak thawngin dah nan hmuh?”

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

LAMKALTU 26:22

Sihmanhsehlaw nihin ni tiangah hin Pathian nih a ka bawmh i cucaah cun hika zongah hin a hme sin he a ngan sin he ka hngalhnak bia ka chim khawhnak hi a si. Ka chimmi hi profet hna le Moses nih a si te lai tiah an rak chimmi hrimhrim kha a si:

LAMKALTU 16:31

“Bawipa Jesuh kha zum law, nangmah he na innchungkhar he khamh nan si lai,” tiah an ti.

LUKA 23:8

Herod cu Jesuh a hmuh tikah khan a lung aa lawm ngaingai, zeicahtiah amah kong kha a rak theih tawnmi a si i hmuh a duhnak kha a saupi cang; cun Jesuh nih cun khuaruahharnak pakhatkhat a tuah lai tiah a ruah.

LUKA 19:3

Jesuh cu ahodah a si hnga ti kha hngalh a duh caah hmuh aa zuam i asinain amah cu miniamte a si caah le mizapi nih an phenh caah a hmu kho lo.

MARKA 6:20

Herod nih cun Johan kha a ṭih ngaingai, zeicahtiah mi ṭha le mi thiang a si kha a hngalh i him tein a umter ko. A bia a theih fate lung sivang in a um tawn ko nain a chimmi ngaih kha cu a duh ko.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.